سودانى داوا لە بانکەکان دەکات یامەرتى هاووڵاتیان بدەن
08:54 - 05/05/2025
زەمەن - کوردستانى
ئەمڕۆ محەمەد شیاع سودانى سەرۆکوەزیرانى عێراق سەرپەرشتى کۆبوونەوەیەکى کرد، کە تیایدا راوێژکارە ئابوورییەکانى و عەلى عەلاق پارێزگارى بانکى ناوەندیى عێراق و سەرۆکى ئەنجومەنى بانکە عێراقییەکان تێیدا بەشداربوون، سودانى داوایلێکردن، رێکارەکانى دروستکردنى هەژمارى بانکى و کارتى بانکى بۆ هاووڵاتیان ئاسان بکەن.
نوسینگەى سەرۆکوەزیرانى عێراق رایگەیاند، محەمەد
شیاع سودانى سەرۆکوەزیرانى عێراق داوایکردووە رێکارەکان بۆ هاووڵاتیان ئاسان بکرێت بۆئەوەى هاووڵاتى
بتوانێت بەئاسانى ببێت بە خاوەنى هەژمار و کارتى بانکى خۆى، هەروەها کارئاسانییان
بۆبکەن و متمانەى بانکییان لەلا زیاد بکەن بۆئەوەى پارەکانیان بکەنە بانکەوە نەوەک هەر لەناو ماڵەکانیان بێت.
سودانى لە کۆبوونەوەکەدا گوتوویەتى، کارکردن لە
هەموو کەرتەکان پەیوەستە بە بوونى بانکێکى کارا و پشتبەستوو بە تەکنەلۆجیا و
پێشکەوتنەکانى جیهان، لەو رووەشەوە حکومەت پلانى گشگیرى هەیە بۆ چاکسازى لە کەرتى
بانکى، هەروەها گرێبەستیان لەگەڵ چەند کۆمپانیایەک کردووە بۆ وردبینى پێداچوونەوە
بە کەرتى بانکى و سەرجەم دامەزراوە ئابوورییەکانى وڵات، کە دەستیان بەکارەکانیان
کردووە و هەنگاوى باشیان بڕیوە.