له ئه‌مڕۆوه مانگرتووانى سلێمانى وەرگرتنى چارەسەرى پزیشکى رەتدەکەنەوە
11:55 - 07/02/2025
زه‌مه‌ن – هه‌رێمی
كوردستان
عوسمان گوڵپى وتەبێژى
مانگرتووانى سلێمانى رۆژى هەینى رایگەیاند، مانگرتوان لە بەرامبەر بەدەمەوە نەهاتنیان
ئەمڕۆ بڕیاریاندا چارەسەرە پزیشکیەکانیش ڕەتبکەنەوە.
مانگرتووانى سلێمانى
کانیۆلاکانى دەستیان لێکردەوە و وەرگرتنى چارەسەرى پزیشکى رەتدەکەنەوە، بەهۆى بەدەمەوەنەهاتنیان
لەلایەن دەسەڵاتدارانەوە بۆ جێبەجێکردنى داواکارییەکانیان.
12 مامۆستا و فەرمانبەرى ناڕازیی سلێمانى
ماوه‌ی 12 رۆژه لەبەردەم بارەگاى نەتەوەیەکگرتووەکان
لە سلێمانى مانگرتنیان راگەیاندووە و چەند داواکارییەکان خستووەتەڕوو کە سەرەکیترینیان
بە بانکیکردنى موچەیە بەپێی بڕیارى دادگاى باڵاى فیدراڵى عێراق.
لەگەڵ بەردەوامى
مانگرتندا دۆخى تەندروستى مانگرتووان بەردەوام روو لە خراپى دەکات و رۆژانە بەشێک
لە مانگرتووان رەوانەى نەخۆشخانە دەکرێن.
د.سەباح هەورامى
بەرێوەبەرى گشتى تەندروستى سلێمانى رۆژى هەینى لە کۆنفرانسێکى رۆژنامەنوسیدا لەبەردەم
خێمەى مانگرتووان رایگەیاند، تەندروستى مانگرتووان دەچێتە قۆناغێکى دیکەوە و رەتکردنەوەى
چارەسەر کاریگەرى خراپى دەبێت و پلانى دیکە دادەنێن لەو بارەیەوە.
وتیشى:
"مانگرتووان کێشیان دادەبەزێت و لەگەڵ بڕیارەکەیاندا نین بۆ رەتکردنەوەى چارەسەرى
پزیشکى، پشتیوانى مانگرتن لە خواردنیش ناکەین بەڵام پشتیوانى لە هەڵوێستەکانیان
پرسێکى جیاوازە"
د.سەباح هەورامى
باسى لەوەشکرد، : "تەنانەت ئەگەرى شکاندنى مانگرتنیش پێویستە لە ژێر چاودێرى
تەندروستیدا بێت، چونکە رەنگە بەئەندازەى خۆراک وەرنەگرتنەکە، وەرگرتنى خۆراک بەبێ
چاودێرى تەندروستى زیانى هەبێت".