کاتى ناردنى مووچەى مانگى 10 راگەیەندرا
08:08 - 04/11/2024
زەمەن - کوردستانى
سەرچاوەیەک لە وەزارەتى دارایى عێراق بە زەمەنى راگەیاند، لیستى ئەمڕۆ وردبینییان لە لیستى مووچەى مانگى 10ى مووچەخۆرانى هەرێمى کوردستان دەستپێکردووە و سبەینێش بەردەوامدەبێت.
سەرچاوەکە راشیگەیاند، سبەینێ ئەگەر وردبینییەکە تەواوبێت و هیچ کێشەیەکى نەبێت، پارەکە خەرجدەکرێت و دەخرێتەسەر هەژمارى بانکیى وەزارەتى دارایى هەرێم.
سەرچاوەیەکیش لە وەزارەتى دارایى هەرێم رایگەیاند، هەرکات پارەکە خرایە سەر هەژمارى بانکى وەزارەتى دارایى هەرێم، راستەوخۆ لیستى مووچەى مانگى 10 بڵاودەکرێتەوە و دەست بە دابەشکردنى دەکرێت.