راگەیەندراوێک لە وەزارەتى پێشمەرگەوە لەبارەى هاوکارییەکەى هاوپەیمانان بۆ لیوا هاوبەشەکان
06:42 - 04/09/2024
زەمەن - کوردستانى
وەزارەتی پێشمەرگە لە بارەی گرفتی پێنەدانی هاوکارییە داراییەکانی هاوپەیمانان بۆ بەشێک لەهێزەکانی پێشمەرگە رایدەگەیەنێت، ئەم گرفتە هیچ پەبوەندى بە بریارەکانی وەزارەتی پێشمەرگەوە نیە، بەڵکو ڕاستەوخۆ پەیوەندیدارە بەشێوازی کارکردن و پێدانی هاوکاری هاوپەیمانان بەیەکە سەربازییەکان.
وەزارەتە راشیگەیاندووە، گرفتی ئەم یەکە سەربازییانە پەیوەستە بە هەبوونی رۆتینێکی ئەمنی هێزەکانی هاوپەیمانان، لەم بارەیەشەوە وەزارەتی پێشمەرگە هەنگاوی پێویستی ناوە و کاری جدی لەسەرکردوە,
ئەوەشى راگەیاندووە، چاوەروانی بڕیاری هاوپەیمانان دەکەین بۆ رێکخستنەوە و چۆنیەتی دابەشکردنی هاوکارییەکانیان بۆ یەکەکانی سەر بەوەزارەتی پێشمەرگە.