كارگەیەک لە هەولێر بە تەواوى سوتا
10:59 - 30/08/2023
زەمەن_هەولێر
بەرەبەیانى ئەمڕۆ ئاگرێک لە کارگەیەکی
دارتاشی لە گەڕەکی عەدالە کەوتەوە هەموو کارگەکە سووتاوە و خاوەنەکەی زیانێکی
مادیی زۆری کردووە.
شێخ کافی عەبدولقادر،
ئەفسەر لە ژووری ئۆپەراسیۆن لە بەڕێوەبەرایەتیی بەرگریی شارستانیی هەولێر رایگەیاند،
کارگەکە بە دیاریکراوی دەکەوێتە گەڕەکی عەدالە؛ دەوروبەری کاتژمێر 1:00ـی
بەرەبەیان ئاگاداریان کردینەوە کە کارگەکە گڕی گرتووە و تیمەکانمان رۆیشتنە شوێنی
رووداوەکە و کاتژمێر 3:15 ئاگرەکە کۆنترۆڵ کرا. ئاگرەکە درەنگ کۆنترۆڵکرا، چونکە
هەمووی دار بوو."
بە وتەی شێخ کافی
عەبدولقادر، کارگەکە تایبەت بە دارتاشی بووە و شوێنی دروستکردنی کەرەستەی نێوماڵ
بووە. ئاماژەی بەوەشکرد، لەنێو ئەو کارگەیە کۆگەیەک هەبووە و هەمووی ئاگری گرتووە.