پلاسخارت هۆشدارى لەبارەی دۆخی سیاسی هەرێمەوە دەدات
06:37 - 02/02/2023
164 جار خوێندراوەتەوە
زەمەن_هەرێمى کوردستان
نێردەی سکرتێری گشتی نەتەوە یەکگرتوەکان لەبارەی دۆخی سیاسی هەرێمەوە
هۆشدارى دەدات و داوا دەکات لایەنە سیاسییەکان ناکۆکییەکانیان وەلا بنێنن.
جینین پلاسخارت، نێردەی سکرتێری گشتی نەتەوە یەکگرتوەکان بۆ عێراق لە وتارێکدا
لە ئەنجومەنی ئاسایشی نێودەوڵەتی باسی لە دواین بەرەوپێشچونەکانی عێراق کرد و وتی:
پێویستە چاکسازیی دارایی و ئابوری لە عێراق بکرێت و سەرچاوەکانی داهات فرەچەشن بکرێ.
وتیشی: گرنگە کێشەکان و دۆخی کەرکوک بەزویی چارەسەر بکرێت، جگە لەوەش بەغداد
و هەولێر جگە لە گفتوگۆ هیچ رێگەیەکیان نیە بۆ چارەسەری کێشەکان.
لەبارەی دۆخی سیاسی هەرێمیشەوە، پلاسخارت هۆشداریی دا لەوەی لایەنە سیاسییەکان
ناکۆکییەکانیان وەلا بنێنن و بەردەوام بن لە گفتوگۆکردن.
پلاسخارت داواشی کرد عێراق بە خێرایی پڕۆژە یاسای بودجەی 2023 پەسەند بکات.
لەبارەی گەندەڵیشەوە نێردەی نەتەوە یەکگرتوەکان وتی: گەندەڵی لە عێراق بوە
بە سیستماتیک و هەنگاوەکانی حکومەتی نوێش بەردەوامە بۆ روبەڕوبونەوەی گەندەڵی و گێڕانەوەی
پارە دزراوەکان.