نرخى بەنزین هەرزان دەبێت
06:03 - 22/09/2022
120 جار خوێندراوەتەوە
زەمەن_هەولێر
به‌ڕێوه‌به‌ری دابه‌شكردنی سووته‌مه‌نیی هه‌ولێر
رايگەیاند، بەهۆی دابەشكردنی بەنزینی 800 دیناریی پاڵپشتیكراوی حكوومی، نرخی بەنزین
دابەزیوە و بەنزینى 800 دینارییش هەموو خەڵك دەتوانێت وەری بگرێت و بەنزینێكی باش
و بێكێشەیە.
ئاری كاكه‌شین، به‌ڕێوه‌به‌ری دابه‌شكردنی
سووته‌مه‌نیی هه‌ولێر ڕایگه‌یاند: "بەنزین نرخی دابەزیوە، بەنزینێكی زۆر لە جۆری
800 دیناری هەیە كە بەنزینێكی باشە و خەڵك بەئاسانی بەریان دەكەوێت و هیچ كێشەیەكمان
نییە و ئەو بەنزینە 800 دینارییە بووەتە هۆی دابەزاندنی نرخی بەنزین بەگشتی''.
وتیشى، "ئێستا بەنزینی زۆر باشی نۆڕماڵ بە
950 دینارە، پێشتر ئەو نۆڕماڵە بە هەزار و150 و زیاتریش بوو، بەڵام ئێستا هەموو جۆرەكانی
بەنزین هەرزان بوونە، چونكە ئەو بەنزینە 800 دینارییە هەموو خەڵك دەتوانێت وەری
بگرێت و بەنزینێكی باش و بێكێشەیە''.
ئەو بەرپرسەى سوتەمەنى ئاماژەى بەوەشکرد:
"بەهۆی بەنزینی 800 دییارییەوە بەلای كەمەوە لیتری بەنزینی نۆڕماڵ 200 دینار
دابەزیوە، وەختێك بەنزینی نۆڕماڵ تاوەكوو سەرووی هەزار و 300 دینار بەرز بووەوە، بەڵام
ئێستا بە لای كەمی زیاتر لە 200 دینار دابەزیوە''.