عیراق

پلاسخارت ناوه‌رۆكی كۆبونه‌وه‌كه‌ی له‌گه‌ڵ سه‌در بڵاوكرده‌وه‌

12:16 - 05/08/2022 140 جار خوێندراوەتەوە

زه‌مه‌ن - عێراقی

پێشنیوه‌ڕۆی ئه‌مڕۆ هه‌ینی، نێرده‌ی تایبه‌تی نه‌ته‌وه‌یه‌كگرتووه‌كان له‌ عێراق و رێبه‌ری ره‌وتی سه‌در، كۆبونه‌وه‌‌.

جێنین هێنس پلاسخارت، نێرده‌ی تایبه‌تی نه‌ته‌وه‌یه‌كگرتووه‌كان له‌ عێراق، به‌ره‌به‌یانی ئه‌مڕۆ هه‌ینی بۆ بینینی موقته‌دا سه‌در رێبه‌ری ره‌وتی سه‌در، گه‌یشتووه‌ته‌ پارێزگای نه‌جه‌ف.

پلاسخارت و سه‌در، له‌ حه‌نانه‌ باره‌گای سه‌ره‌كی موقته‌دا سه‌در  كۆبونه‌وه‌و گفتوگۆ له‌باره‌ی دۆخی سیاسی عێراق و پێشهاته‌كان كرا.

كه‌مێك له‌مه‌وبه‌ر پاش كۆبونه‌وه‌كه‌ی جه‌نین بلاسخارت، له‌تویتێكدا ئاشكرایكرد كه‌ "كۆبونه‌وه‌یه‌كی گرنگمان له‌گه‌ڵ موقته‌دا سه‌در ئه‌نجامداو باسمان له‌ دۆزینه‌وه‌ی رێگا چاره‌ بۆ قه‌یرانی سیاسی و حكومڕانی كرد".

پتر له‌ 300 رۆژه‌ هه‌ڵبژاردنی پێشوه‌خته‌ له‌ عێراق به‌ڕێوه‌چووه‌، تا ئێستا لایه‌نه‌ سیاسییه‌كانی ئه‌م وڵاته‌ نه‌یانتوانیووه‌ حكومه‌ت و سه‌رۆككۆماری نوێ دیاریبكه‌ن، دۆخه‌كه‌ چووه‌ته‌ قۆناغی چه‌قبه‌ستوویی، مسته‌فا كازمی سه‌رۆك وه‌زیرانی عێراق، وه‌ك كاربه‌ڕێكه‌ر به‌رده‌وامه‌ له‌ راییكردنی كاروباره‌كانی حكومه‌ت.

سۆشیال میدیا

ڕۆژنامەی زەمەن