سودانی له عومان دوو رێكه‌وتن و ٢٤ یاداشتنامه‌ی واژۆكرد
08:59 - 03/09/2025
زەمەن پرێس:
سەرۆكوەزیرانی عێراق
لەمیانی سەردانەكەی بۆ عومان، سەرپەرشتی واژۆكردنی دوو رێككەوتننامە و ٢٤ یاداشتی
لێكتێگەیشتنی هاوبەشی لەگەڵ ئەو وڵاتە كرد، كە چەندین بواری جیاجیا لەخۆدەگرێت.
نوسینگەی راگەیاندنی سەرۆك وەزیرانی عیراق لە راگەیەندراوێكدا
بڵاویكردەوە، لە سوڵتاننشینی عومان، بە سەرپەرشتی هەریەك لە محەمەد شیاع سودانی و
شەهاب بن تارق ئال سەعید، جێگری سەرۆك وەزیرانی عومان، دوو رێككەوتننامە و ٢٤
یاداشتی لێكتێگەیشتن لەنێوان هەردوو وڵات واژۆكرا.
رێككەوتنی یەكەم
تایبەت بوو بە هەڵگرتنی فیزا لەنێوان عێراق و عومان، رێككەوتنی دووەمیش تایبەتە بە
رێگریكردن لە خۆدزینەوە لە پێدانی باج، یاداشتەكانی لێكتێگەیشتنیش تایبەتن بە
بوارەكانی یاسایی، پیشەسازی، بازرگانی، گەشتیاری، پەروەردە و خوێندنی باڵا، وەرزش،
نیشتەجێكردن، پەیوەندیكردن، چاودێریی بانكی و سەقامگیری دارایی، وزە و هەناردەكردن
و چەند بوارێكی تر.
محەمەد شیاع سودانی، سەرۆك وەزیرانی عیراق بە سەرۆكایەتی شاندێكی
باڵا، بە سەردانێكی فەرمی گەیشتە عومان و لە شاری سەڵاڵە لەلایەن هەیسەم بن تارق
ئال سەعید، سوڵتانی ئەو وڵاتەوە پێشوازی لێكرا.