هێڵێکی تری مۆبایل بۆ پەیوەندی لە عێراق دەستبەکار دەبێت
07:17 - 31/08/2025
زەمەن- هەواڵ
سەرۆک وەزیرانی عێراق سەرپەرشتی واژۆکردنی گرێبەستی دامەزراندنی
کۆمپانیای نیشتمانی بۆ خزمەتگوزاری پەیوەندی بۆ مۆبایل کرد، وەک کۆمپانیایەکی پشکی
گشتی، کە پێشتر لە پرۆگرامی حکومەتدا پەسەندکراوە.
ئەمڕۆ یەکشەممە نووسینگەی سەرۆک وەزیرانى عێراق رایگەیاند، محەمەد
شەیاع سودانی، ئەمڕۆ یەکشەممە سەرپەرشتی واژۆکردنی گرێبەستی دامەزراندنی کۆمپانیای
نیشتمانی بۆ خزمەتگوزاری پەیوەندی بۆ مۆبایل کرد، وەک کۆمپانیایەکی پشکی گشتی، کە
پێشتر لە پرۆگرامی حکومەتدا پەسەندکرابوو، بە بەشداریی سێ لایەن کە بریتین لە
سندوقی خانەنشینی فەرمانبەرانی دەوڵەت و بانکی بازرگانی عێراق و کۆمپانیای گشتی
سەلام کە سەر بە وەزارەتی پەیوەندییەکانە.
ئاماژە بەوەشکرداوە،
سەرۆک وەزیران ستایشی هەوڵەکانی وەزارەتی پەیوەندییەکانی کرد لەم ڕووەوە، و ئاماژەی
بە پێویستی تەواوکردنی ڕێکارەکان کرد بۆ بەدیهێنانی دابینکردنی خزمەتگوزاری،
بەتایبەتی کە دەبەسترێتەوە بە خزمەتگوزاری پێشکەوتووی (5G)، و بۆ هەموو هاووڵاتیان بەردەست دەبێت.
سەرۆکی ئەنجومەنی وەزیران جەختی لەوە کردەوە کە
دامەزراندنی کۆمپانیای نیشتمانی بۆ خزمەتگوزاری پەیوەندییەکانی مۆبایل کە لە
بەرنامەی حکومەتدا پەسەند کراوە، نوێنەرایەتی هەنگاوێکی چۆنایەتی دەکات لە
بەرزکردنەوەی خزمەتگوزارییەکانی پەیوەندییەکان، بە لەبەرچاوگرتنی ئەو پێشکەوتنە
بەرچاوەی کە بەخۆیەوە دەیبینێت، ئەمەش پێویستی بەوەیە کۆمپانیاکە ڕکابەری
کۆمپانیاکانی تر بکات، بۆ ئەوەی باشترین خزمەتگوزاری پەیوەندییەکان پێشکەش بکات،
کە ئێستا هەموو بوارەکانی ژیان دەگرێتەوە، بەتایبەتی ئابووری و پەروەردە و ئەو
پێشکەوتنەی وڵاتە خۆشەویستەکەمان بەخۆیەوە دەیبینێت.
هاوکات سودانی ئەوەشی
ڕوونکردەوە، کە ئەمە یەکەم هەنگاو دادەنرێت بە بەشداری کردنی سێ لایەنی حکومی بۆ
دامەزراندنی کۆمپانیای مۆبایل، کە بەردەست دەبێت بۆ هاوڵاتیان بۆ بەشداریکردن لە
سەرمایەی کۆمپانیاکە، ئەمەش نوێنەرایەتی یەکێک لەو ڕێگایانە دەکات کە حکومەت بۆ
بەهێزکردنی ئابووری نا نەوتی دەیگرێتەبەر، ئاماژەی بەوەشکرد، دامەزراندنی
کۆمپانیاکە بە مانای بەرتەسککردنەوەی کەرتی تایبەت نییە، بەڵکو دروستکردنی کەشێکی
کێبڕکێیە بە ئامانجی پێشکەشکردنی باشترین خزمەتگوزاری بۆ هاوڵاتیان.