وه‌زیری په‌روه‌رده: لابردنی پەروەردەی ئیسلامی هیچ بنەمایەکی نییە
06:45 - 27/06/2022
100 جار خوێندراوەتەوە
"زەمەن"
ئالان حه‌مە سه‌عید، وەزیری
پەروەردە، ڕه‌تیده‌كاته‌وه پرۆگرامی په‌روه‌رده‌ی ئیسلامی له قۆناغه‌كانی خوێندن
لابرابێت.
ئه‌مرۆ فراكسیۆنی یه‌كگرتووی
ئیسلامی له په‌رله‌مانی كوردستان رایگه‌یاند: مه‌نهه‌جی په‌روه‌رده‌ی ئیسلامی له
قۆناغه‌كانی خوێندن لاده‌برێت.
به‌ڵام ئالان حه‌مە سه‌عید، وەزیری
پەروەردە، له رونكردنه‌وه‌یه‌كدا ئه‌مرۆ دووشه‌ممه رایگه‌یاند: لابردنی خوێندنی
پەروەردەی ئیسلامی لە قۆناغەکانی خوێندن هیچ بنەمایەکی نییە.
وتی: ئەم بابەتە چەندین جار
ڕوونکردنەوەی لەسەر دراوە ، بەداخەوە ساڵانە ئەم بابەتە بەناڕەوا دەوروژێندرێت،
پار ساڵیش هەمان قسە کرا و بەڵام بانگەشەکارانی ئەم بابەتە لە ساڵی خوێندنی
(٢٠٢١-٢٠٢٢)جگە لە ئیحراجی هیچیان بۆ نەمایەوە کە بینیان کتێبەکانی پەروەردەی
ئیسلامی بە جوانترین و نوێترین شێواز دیزاین کراون.
ده‌قی رونكردنه‌وه‌كه:
ڕوونکردنەوەیەک لە وەزیری
پەروەردەوە :
لابردنی خوێندنی پەروەردەی ئیسلامی
لە قۆناغەکانی خوێندن هیچ بنەمایەکی نییە ، ئەم بابەتە چەندین جار ڕوونکردنەوەی
لەسەر دراوە ، بەداخەوە ساڵانە ئەم بابەتە بەناڕەوا دەوروژێندرێت، پار ساڵیش هەمان
قسە کرا و بەڵام بانگەشەکارانی ئەم بابەتە لە ساڵی خوێندنی (٢٠٢١-٢٠٢٢)جگە لە
ئیحراجی هیچیان بۆ نەمایەوە کە بینیان کتێبەکانی پەروەردەی ئیسلامی بە جوانترین و
نوێترین شێواز دیزاین کراون. لێرە بەڵگەی ئەوە دەخەمە ڕوو ئێمە کە ئێستا لە قۆناغی
چاپکردنی کتێبەکانین بۆ ساڵی نوێی خوێندنی( ٢٠٢٢-٢٠٢٣) ، یەکەم کتێب کە چاپمان
کردبێت کتێبی پەروەردەی ئیسلامییە.
ئالان حه‌مە سه‌عید
وەزیری پەروەردە
٢٧ی ٦ی ٢٠٢٢