عیراق

دادگای فیدراڵی له‌باره‌ی یه‌كه‌م كۆبونه‌وه‌ی په‌رله‌مانه‌وه‌ بڕیار ده‌دات

05:53 - 16/01/2022 170 جار خوێندراوەتەوە

"زەمەن"


دادگاى فیدراڵیی عێراق، واده‌ى دانیشتنی بڕیاردان له‌باره‌ى یه‌كه‌م دانیشتنى خولی نوێی ئه‌نجومه‌نى نوێنه‌رانى عێراق دیاریكرد.‏

 دادگای فیدراڵی له‌راگه‌یه‌ندراوێكدا ئه‌مڕۆ یه‌كشه‌ممه‌، لەسەر بڕیاردانى یەکەم کۆبونەوەى پەرلەمان  ڕۆژی چوارشەممەی داهاتوی دەستنیشانکرد لەبارەى دەستورى بون و دەستورى نەبونى خولی پێنجەمی ئەنجومەنی ‏نوێنەرانی عێراق.‏

بەگوێرەی بڕیارەکەی دادگا کاری دەستەی سەرۆکایەتی پەرلەمان تا یەکلاییکردنەوەی سکاڵاکە و بەشێوەیەکی کاتی هەڵدەپەسێردرێت.

ڕۆژى 9ى ئه‌م مانگه‌ یه‌كه‌م دانیشتنى خولی پێنجەمی ئه‌نجومه‌نى نوێنه‌ران به‌ڕێوه‌چو، ‏له ‌دانیشتنه‌كه‌دا مه‌حمود مه‌شهه‌دانى دۆخى ته‌ندروستیی تێكچو و برایه‌ نه‌خۆشخانه‌، ‏پێشئه‌وه‌ى بگه‌ڕێته‌وه‌ دانیشتنه‌كه‌ى په‌رله‌مان، بڕیاردرا جێگره‌وه‌كه‌ى دانیشتنه‌كه‌ ‏به‌ڕێوه‌ببات و ده‌سته‌ى سه‌رۆكایه‌تیی ئه‌نجومه‌نه‌كه‌ش هەڵبژێردرا. ‏

ئه‌وه‌ش كاردانه‌وه‌ى لێكه‌وته‌وه‌ و چوارچێوه‌ى هه‌ماهه‌نگی شیعه‌كان دانیشتنه‌كه‌ و هه‌ڵبژاردنى ‏ده‌سته‌ى سه‌رۆكایه‌تیی ڕه‌تكرده‌وه‌.‏ له‌چه‌ند ڕۆژى ڕابردوو مه‌حمود مه‌شهه‌دانى و پەرلەمانتارێكی دیكە له‌ دادگاى فیدراڵى ‏سكاڵاىان تۆماركرد و دانیشتنه‌كه‌یان به‌ ناده‌ستوری له‌قه‌ڵه‌مدا. ‏

سۆشیال میدیا

ڕۆژنامەی زەمەن