ڕاوێژکارێکی کازمی: بەپێی بهرزبونهوهی نرخی نەوت گۆڕانکاری لە بەھای دۆلاردا دەکرێت
01:29 - 31/12/2021
زهمهن -
ئابوری
ڕاوێژکارێکی ئابوریی
مستهفا كازمی ڕایدەگەیەنێت، یەکەم
ئەرکی حکوومەتی نوێی عێراق، ھەموارکردنەوەی یاسای بودجە دەبێ و بە پێی بازاڕی نەوت
گۆڕانکاری لە بەھای دۆلاردا دەکرێت.
گهوره ڕاوێژکاری
ئابوریی سەرۆک وەزیرانی عێراق؛ موزھهر محەمەد ساڵح، ئاشكرایكرد كه ڕەشنووسی پڕۆژە
یاسای بودجەی ٢٠٢٢ لە لایەن وەزارەتی دارایی و ئابووریەوە ئامادەکراوە، بەڵام بەھۆی
ھەڵوەشاندنەوەی ئەنجومەنی نوێنەرانەوە ڕێکارە یاساییەکانی دواکەوتووە و لە ئێستادا
چاوەڕوانی پێکھێنانی حکوومەتی نوێ دەکەن.
ڕاشیگەیاند،
حکومەتی نوێ تاوتوێی یاسای بودجە دەکات و گۆڕانکاری تێدا دەکات، کە ڕەنگە لە کاتی
گفتوگۆکاندا بە پێی بازاڕی نەوت بەھای دۆلار گۆڕانکاری تێدا بکرێ و نرخی دۆلار بهرامبهر
دینار دابهزێنرێت.
وتیشی، ئەگەر پڕۆژە
یاسای بودجەی ساڵی داھاتوو، دوا بکەوێت ئەوا بە پێی یاسای ١ لەسەر ١٢، خەرجییەکان
لەسەر بنەمای بودجەی ٢٠٢١ ڕێکدەخرێن.