ئاگادارییهك له هاتوچۆی سلێمانییهوه بۆ شۆفێران
04:59 - 30/12/2021
زهمهن_سلێمانی
هاتوچۆی سلێمانی
رایگەیاند، پێویستە شوفێران بەشێوەیەكی بەردەوام لەناو ئۆتۆمبێلەكەیان چەند پێداویستییەكیان
لابێت، کە بۆ كاتی پێویست گرنگن.
ئەمڕۆ پێنجشەممە،
بەڕێوەبەرایەتی هاتوچۆی سلێمانی لە راگەیەنراوێکیدا چەند رێنماییەکی لەبارەی کەرەستە
و پێداویستییە گرنگەکانی هەر ئۆتۆمبێلێکی بۆ شۆفێران بڵاوکردەوە و رایگهیاند، پێویستە شوفێران بەشێوەیەكی بەردەوام لەناو ئۆتۆمبێلەكەیان چەند پێداویستییەكیان
لابێت، کە بۆكاتی پێویست گرنگن و بریتین لە:
- پێداویستی میكانیكی
بۆ گۆڕینی تایەكان: ئەوە پێكدێت لە تایەی یەدەگ و سپانە و ئامێر بۆ تێكردنی هەوا بۆ
تایەی ئۆتۆمبێل.
- نەخشەی شوفێری:
نەخشەی ئێستا بەشێوەی (GPS) و لەسەر مۆبایلەكان پەیوەست دەكرێن.
- ئامێری پێوەری هەوا:
ئەو ئامێرە پێویستە بۆ پشكنینی تایەكان، لەبارەی بەرزی و نزمی ئاستی هەوای ناو تایەكان.
- ساڵنامهو مۆڵەتی
ئۆتۆمبێل "ئیجازەو سەنەوی".
- بوونی رۆنی یهدهگ
لهحاڵهتی تێكچوونی ئۆتۆمبێل و گرفتی كهمكردنی ڕۆن.
- كێبل یان حەبل:
پێویستە هەموو شوفێرێك لەنێو ئۆتۆمبێلەكەی كێبڵ و حەبلی لابێت، تاكو ئەگەر ئۆتۆمبێلەكەی
تووشی پەككەوتن هات، ئۆتۆمبێلێكی تر رایبكێشێت.
- گڵۆپی بچووك: ئەم
گڵۆپە رووناكییەكی بچووكە بەهۆی پاتری ئۆتۆمبێلەكەوە كار دەكات و لەئەگەری گرفتێك
لەنێو مەكینە لە شەواندا دادەگیرسێندرێت.
- جانتای تەندروستی:
پێویستە شوفێران بە بەردەوامی جانتای پێداویستییە تەندروستییەكانیان لابێت.