ههڵوێستی نوێی یهكێتی لهبارهی پۆستی سهرۆك كۆمار و حكومهتی داهاتوو
04:48 - 29/12/2021
زهمهن_سلێمانی
ئهندامێكی مهكتهبی سیاسی یهكێتی رایگهیاند، "دەمانەوێت پۆستی
سەرۆککۆمار ببێتە دەستە گوڵی لایەنە سیاسییەکان".
عیماد
ئەحمەد ئەندامی مەکتەبی سیاسی یەکێتی ئەمرۆ چوارشەممە، لە چاوپێکەوتنێکی تەلەفزیۆنیدا
رایگهیاند، " ئێمە و پارتی لە کۆبوونەوەی ڕەسمی باسی بابەتی پۆستی
سەرۆککۆمارمان نەکردووە، بەڵام ئێمە تاک لایەنە بەرنامەی خۆمان ئامادەکردووە بۆ
گفتوگۆ و لەگەڵ پارتیش دیدێكی هاوبەشمان هەیە و پێدەچێت بۆ یەک هەڵوێستی کۆببینەوە".
وتیشی،
"دۆخی ئێستای عێراق پێویستی بە سازانی سیاسییە و دەبێت لەسەر بنەمای شەراکەتی
ڕاستەقینە و بنەمای دەستور بێت"؟
باسی لهوهشكرد،
"گۆڕانکارییەکی سور لە دەرئەنجامی هەڵبژاردن روویداوە و لایەنەکان هەوڵی ئەوە
دەدەن بەرچاو ڕوون بن کە چۆن بەشداری بکەن لە پێکهێنانی حکومەت و ڕۆڵیان چی دەبێت".
عیماد ئهحمهد
دهشڵێت، "ماددەی 140 و جێبەجێکردنی دەستوور، حکومەتی سەرتاسەری و
هاوبەشیی راستەقینە، خاڵە دیارەکانی کارنامەی یەکێتی و پارتین و لەگەڵ پارتی بڕیارمان داوە بە شاندی هاوبەش
بچینە بەغدا".