تا ئێستا هەوڵەکانى دۆزینەوەى تەرمى دانەرى ١٠ مانگ بێ ئەنجامە
01:09 - 27/12/2021
زەمەن_هەولێر
لە دوای ١٠ رۆژ
لە دروست بوونی لافاوەکەی هەولێر، هێشتا گەڕان و بەدوای ئەو دوو کەسەدا بەردەوامە
کە لە لافاوەکەدا بێ سەوشوێن بوون.
ئێوارەی دوێنی لەڕێگای
ئامێرێکی تایبەت شوێنی دانەر نەبەز، منداڵە ١٠ مانگە بێ سەروشوێنەکەی قوشتەپە دیاریی
کرا و ئەمڕۆ، تیمی مەلەوانی ژێرئاو لە بەنداوی عەوێنە بەدوایدا دەگەڕێن، بەڵام هەتاوەکو
ئێستا نەدۆزراوەتەوە.
لە شارەدێی دارەتووش
گەڕان بەدوای ئومێد نامیق، شوانە بێ سەروشوێنەکەی شارەدێی داروتوو بەردەوامە، رۆژانە
جگە لە تیمەکانی بەرگریی شارستانی نزیکەی ٤٠ کەس لە کەسوکار و نزیکەکانی بەدوایدا
دەگەڕێن، تاوەکو ئیستا تەنیا ناسنامە و سویچی ماتۆڕسکیلەکەی دۆزراوەتەوە و خۆی هێشتا
بێ سەروشوێنە.
لە لافاوەکەی رۆژی
١٧ی کانوونی یەکەمی هەولێر، ١٠ کەس گیانیان لەدەست دا و دوو کەسی دیکەش بە گیان
سپاردوو تۆمارکراون، بەڵام هێشتا تەرمەکانیان نەدۆزراوەتەوە و بێ سەروشوێنبوون.