هێمن هەورامى: پارتى و یەکێتى لیژنەیەکی هاوبەش پێکدەهێنن
12:44 - 26/12/2021
زەمەن_هەولێر
جێگرى سەرۆکى پەرلەمانى کوردستان رایگەیاند، پارتی و یەکێتی لیژنەیەکی هاوبەش
بۆ گفتوگۆکردن لەگەڵ لایەنە عێراقییەکان پێکدەهێنن.
ئەمڕۆ یەکشەممە
26-12-2021، هێمن هەورامی، جێگری سەرۆکی پەرلەمانی کوردستان لە پرێس کۆنفرانسێکدا
لە پەرلەمان، رایگەیاند: پارتی و یەکێتی لیژنەیەکی هاوبەش بۆ گفتوگۆکردن لەگەڵ لایەنە
عێراقییەکان بۆ دروستکردنی کابینەی نوێی حکوومەتی عێراق، پێک دەهێنن.
وتیشى، تیمی
پارتی لە لێژنەکە بە سەرۆکایەتیی هۆشیار زێباری، ئەندامی مەکتەبی سیاسی دەبێت و تیمی
یەکێتیش ئەندامێکی مەکتەبی سیاسی سەرۆکایەتی دەکات.
بە وتەى هێمن هەورامی
لیژنەکە ”لەم چەند رۆژە“ کۆ دەبێتەوە و بەرنامەیەکی هاوبەش بۆکۆبوونەوەکان لەگەڵ
لایەنە عێراقییەکان، دادەڕێژێت.
لەبارەی
کاراکردنەوەی کۆمسیۆنی باڵای سەربەخۆی هەڵبژاردن و راپرسی لە هەرێمی کوردستان، جێگری
سەرۆکی پەرلەمانی کوردستان رایگەیاند: لە سەرەتای مانگی 1ـی 2022، پەرلەمان بۆ
کاراکردنەوەی کۆمسیۆن کۆ دەبێتەوە و ئەو پرسە یەکلایی دەکاتەوە.