ئهمساڵ (2) ملیۆن گەشتیار هاتوونەتە هەولێر
12:12 - 25/12/2021
زهمهن – ههولێر
بەڕێوەبەری
گەشتوگوزاری هەولێر ئاشكرایكرد، سهرباری دۆخی خراپی كۆرۆنا، لە سەرەتای ئەمساڵەوە
تا 23ی ئهم مانگه، ژمارەی گەشتیاران لە پارێزگای هەولێر گەیشتووەتە ملیۆنێک و
971 هەزار و 522 گەشتیار و چاوەڕێ دەكەین بەهۆی پشووی سەری ساڵەوە، دوو ملیۆنیش تێپەڕێنێت.
ئیسماعیل
مینەخان، ئهوهشی خسته روو كه رێژەی هاتنی گەشتیار بۆ پارێزگای هەولێر و شوێنە
گەشتیارییەكانی لەمساڵدا، لە تەواوی هەردوو ساڵانی پێش خۆی پێكەوە زیاترە و چاوەڕێ
دەكرێت لە 2022 رێژەكە بەرز ببێتەوە.
وهك ئیسماعیل مینەخان
باسیكرد كه ئەو ئامارانهیان لە رێگەی بازگە سنوورەییەكانی پایتەخت و فڕۆكەخانەی
نێودەوڵەتیی هەولێرەوە بە شێوەیەكی ورد و زانستی تۆماركراون.
چهند ساڵێك بهرلهئێستا بهبڕیاڕی پهرلهمانی
كوردستان شاری ههولێر به پایتهختی گهشتیاری هەرێمی كوردستان ناودێركرا.