پارێزگای دهۆك ھەموو چالاکییەکانی بۆ ڕێزگرتن لە قوربانییانی لافاوەكەی هەولێر راگرت
07:33 - 17/12/2021
زهمهن_دهۆك
ئەمڕۆ هەینی وەکو رێزگرتن بۆ خەڵکی پارێزگای
ھەولێر، بەتایبەت خەڵکی لێقەوماو، کە بەهۆی باران و لافاوی شەوی رابردوو زیانی
گیانی و مادییان بەرکەوت، بە بڕیاری پارێزگاری دهۆک، تێکڕای چالاکییەکانی رۆژی
ئاڵای کوردستان راگیران.
د.عەلی تەتەر پارێزگاری
دھۆک رایگەیاند "ئاڵای کوردستان هێمای قوربانیدان و خۆڕاگری و
نیشتمانپەروەریی پێکهاتەکانی هەرێمی کوردستانە، سیمبولی ئازادیی گەلی کوردستانە بۆ
بەرخۆدان و تێکۆشانی بەردەوام بۆ گەیشتن بە ئامانجە نەتەوەیی و نیشتمانییەکان،
بۆیە رۆژی ئاڵا بەوپەڕی رێز و شکۆدارییەوە رادەگرین و یادی دەکەینەوە“.
پارێزگاری دھۆک وتیشی، ”بۆ
رێزگرتن لە قوربانییانی لافاو و بارانی شەوی رابردوو لە هەولێر، هیچ مەراسیمێک ساز
ناکەین و تەواوی چالاکییەکانمان بەفەرمی رادەگرین“.