کوردستان

بافڵ تاڵەبانی: پێشوازیی له‌ ھەر ھەوڵێک ده‌كه‌ین كه‌ بۆ باشترکردنی ژیانی خەڵک بنرێت

05:23 - 25/11/2021 128 جار خوێندراوەتەوە

زه‌مه‌ن_سلێمانی


بافڵ تاڵه‌بانی هاوسه‌رۆكی یه‌كێتی رایگه‌یاند، "پێشوازی لە ھەر ھەوڵ و ھەنگاوێک دەکەین کە بنرێت بۆ باشترکردنی ژیانی کۆمەڵانی خەڵک."


نوسینگه‌ی راگه‌یه‌یاندنی هاوسه‌رۆكی یه‌كێتی بڵاویكرده‌وه‌، ئه‌مڕۆ بافڵ جەلال تاڵەبانی بە ئامادەبوونی دەرباز کۆسرەت رەسوڵ، کارگێڕی مەکتەبی سیاسی لە دەباشان پێشوازیکرد لە یڤیس دوڤال، لێپرسراوی نووسینگەی کەنەدا لە ھەرێم.

ئاماژه‌ی به‌وه‌شكردووه‌، لە دیدارەکەدا قۆناغی دوای ھەڵبژاردن لە عێراق، بەشداری کورد لە حکومەتی داھاتوو، بەرەوپێشچوونی پرۆسەی سیاسی و ئابووری و پەرەپێدانی پەیوەندییە ئابووری و بازرگانییەکان لەنێوان ھەردوولا گفتوگۆی لەبارەوە کرا، بۆچوون و ھەڵوێستی یەکێتی لەو رووانەوە ئاماژەی پێکرا.

به‌ راگه‌یه‌نراوی نوسینگه‌كه‌ی، ھەر لە دیدارەکەدا تەئکید لە ھەماھەنگی و پێشخستنی پەیوەندییە سیاسی و ئابوورییەکان لەنێوان ھەرێم و کەنەدا کرایەوە بەشێوەیەک خزمەت بە پرۆسەی گەشەپێدانی ژێرخانی ئابووری ھەرێم بکات، ھانی کۆمپانیا و خاوەنکاران بدرێت سەرمایەکانیان لە ھەرێم بخەنە گەڕ و ھاوکار بن بۆ بوژاندنەوەی زیاتری بازاڕ و رەخساندنی ھەلی کار.

بافڵ جەلال تاڵەبانی لەبارەی پرۆسەی سیاسی لە بەغدا و گۆڕانکارییەکان روونکردنەوەی دایە وەفدی میوان، پێی راگەیاندن بۆ ئەمڕۆ پێکھێنانی حکومەتی خزمەتگوزار، کارا و چالاک پێویستی قۆناغەکەیە و وەڵام دەرەوەی خواستی شەقام و داواکاری ھەموو لایەک دەبێت کە ئێمە پشتگیری لەم ھەوڵانە دەکەین لەپێناو خزمەتکردنی زیاتری خەڵک. بۆ کوردیش ئاماژەی بۆ ئەوە کرد یەکڕیزیمان و تەبایمان لە ناوەند زامنی پاراستنی مافەکانمان دەبێت و لە ھەوڵی دروستکردنی بەرەیەکی نیشتمانین تا بەیەک نامەی سیاسی لەگەڵ لایەنە عێراقییەکان بچینە گفتوگۆوە.

بافڵ جەلال تاڵەبانی دەربارەی هەرێمی کوردستان روونیکردەوە پێشوازی لە ھەر ھەوڵ و ھەنگاوێک دەکەین کە بنرێت بۆ باشترکردنی ژیانی کۆمەڵانی خەڵک، ئەولەویەتی کاری یەکێتی بۆ سەرخستنی ھەنگاوەکانی چاکسازی و گۆڕانکاری ریشەییە لە بەڕێوەبردن و پێشکەشکردنی خزمەتگوزاری بە خەڵکی خۆمان و چاکسازییەکانی ناو رێکخراوەیی و حکومەتیش ھەر لەو پێناوەدایە.


سۆشیال میدیا

ڕۆژنامەی زەمەن