عیراق

سەرۆک کۆماری ئێران: ڤیزا لە نێوان ئێران و عێراق نامێنێ

02:15 - 12/09/2021 171 جار خوێندراوەتەوە

زه‌مه‌ن_هه‌رێمایه‌تی

سه‌رۆك كۆماری ئێران و سه‌رۆك وه‌زیرانی عێراق له‌ تاران كۆبونه‌وه‌ و به‌پێی ئه‌نجامی كۆبونه‌وه‌كه‌ش بێت ڤیزا له‌ نێوان هه‌ردوو وڵاتدا نامێنێت.

سه‌رله‌به‌یانی ئه‌مڕۆ مسته‌فا كازمی گه‌یشته‌ تاران و له‌گه‌ڵ ئیبراهیم ره‌ئیسی كۆبوه‌وه‌، دواتر له‌ كۆنگره‌یه‌كی رۆژنامه‌وانی هاوبه‌شدا قسه‌یان كرد.

ئیبراهیم ره‌ئیسی رایگه‌یاند: په‌یوه‌ندییه‌كانمان له‌گه‌ڵ عێراق له‌ به‌رزترین ئاستدایه‌و ڤیزا لە نێوان ئێران و عێراق نامێنێ.

ره‌ئیسی، جه‌ختیكرده‌وه‌ كه‌ ئێران و عێراق ده‌توانن رۆڵێكی هه‌رێمی زیاتر بگێڕن و وتی: له‌باره‌ی به‌ستنه‌وه‌ی عێراق و ئێران به‌ هێڵی شه‌مه‌نده‌فه‌ره‌وه‌ گفتوگۆمان كرد

لایخۆیه‌وه‌ مسته‌فا كازمی، سه‌رۆك وه‌زیرانی عێراق وتی: كۆمه‌ڵێك دۆسیه‌ی هاوبه‌ش هه‌ندێك دۆسیه‌ی ئابوری پرۆژه‌ی ستراتیژمان تاوتوێكرد.

كازمی وتیشی: په‌یوه‌ندییه‌كانمان له‌گه‌ڵ ئێران زۆر له‌ مێژو و جوگرافیا گه‌وره‌تره‌وه‌ چاومان له‌وه‌ به‌رزترین په‌یوه‌ندیمان له‌گه‌ڵ وڵاتانی دراوسێ هه‌بێت.

سوپاسی ئێرانی كرد بۆ ئه‌وه‌ی كه‌ له‌شه‌ڕی داعش هاوكاری عێراقی كردووه‌.



سۆشیال میدیا

ڕۆژنامەی زەمەن

Advertisement