کوردستان

قائیمقامی هەولێر بۆ زەمەن: سەدا پەنجای پارەی سزای نەبەستنی ماسک بۆ ئەو هێزانەیە کە سزاکە جێبەجێ دەکەن

06:40 - 26/10/2020 306 جار خوێندراوەتەوە

"زەمەن"


قایمقامى هەولێر رایگەیاند، بڕیارى سزادانى نەبەستنى ماسک جێبەجی دەکرێت و سەدا پەنجای پارەی سزاکە بۆ ئەو هێزانەیە کە سزاکە جێبەجێ دەکەن.

نەبەز عەبدولحەمید قایمقامى هەولێر بە "زەمەن"ى راگەیاند، بڕیارى سزادانى ئەو کەسانەى ماسک نابەستن لە هەولێر چۆتە بوارى جێبەجێکردنەوە و هەر کەسێک ماسک نەبەستێت، بە بڕى ٢٠ هەزار دینار سزا دەدرێت و بۆ ئەو مەبەستەش سەرجەم لیژنەکانى قایمقامیەت و هێزەکانى پۆلیس و ئاسایش و هاتوچۆ راسپێردراون بۆ سزادانى ئەو کەسانەى پابەند نابن.

وتیشى، میکانیزم و چۆنێتى وەرگرتنى ئەو ٢٠ هەزارە دیارى کراوە و ئەو کەسەى ماسکى نەبەستووە پسوڵەیەکى ٢٠ هەزار دینارى بۆ دەکرێت و دەبێت راستەوخۆش پارەکە بدات، بە پێچەوانەوە، رێکارى ترى بەرامبەر دەگیرێتەبەر.

نەبەز عەبدولحەمید باسى لەوەشکرد، کە ئەو ٢٠ هەزارەى وەردەگیرێت لەو کەسانەى ماسک نابەستن، لە سەدا پەنجای پارەی سزاکە بۆ ئەو هێزانەیە کە سزاکە جێبەجێ دەکەن.

 

سۆشیال میدیا

ڕۆژنامەی زەمەن

Advertisement