عیراق

حکومەتی عێراق نوێترین زانیاری لەبارەی موچەوە ئاشکرادەکات

06:49 - 14/09/2020 2100 جار خوێندراوەتەوە

"زەمەن"

وتەبێژی سەرۆکوەزیرانی عێراق راگەیاند، پرۆژەیاسای بودجەی ٢٠٢٠، لەپێناو رێکخستنی دابەشکردنی موچەدایە و بۆ سێ مانگی داهاتووش موچەی خانەنشینان و فەرمانبەران دابین دەکات.


ئەحمەد مەلا تەڵال، وتەبێژی سەرۆکوەزیرانی عێراق لە کۆنگرەیەکی رۆژنامەنوسیدا رایگەیاند، بودجەی ٢٠٢١ ئامادەدەکرێت و لە بودجەی ٢٠٢٠ جیاوازتر دەبێت و زۆربەی کێشانەکان چارەسەر دەکات.

راشیگەیاند، بڕی کورتهێنان لە بودجەی ساڵێ ٢٠٢٠دا زۆرە و ئامانجی پرۆژەکە لە پێناو رێکخستنەوەی قەرزی دەرەکی و ناوخۆی دەبێت.

 هەر ئەمڕۆ، ئەحمەد موللا تەڵال لە هەژماری تایبەتی خۆی لە تۆڕی كۆمەڵایەتیی تویتەر ئاماژەی بەوەکردبوو، "ئەنجومەنی وەزیرانی عێراق لە پێناو رێكخستنی داهات و خەرجییەكان، پڕۆژەیاسای بودجەی گشتیی ٢٠٢٠ی پەسەندكردووە".

لە ماوەی رابردوودا، نووسینگەی سەرۆكوەزیرانی عێراق رایگەیاندبوو، مستەفا كازمی سەرۆكوەزیران، سەرۆكایەتی كۆبوونەوەیەكی نائاسایی ئەنجومەنی وەزیرانی كردووە تایبەت بە تاوتوێكردنی پڕۆژەیاسای بودجەی گشتیی ٢٠٢٠.

سۆشیال میدیا

ڕۆژنامەی زەمەن

Advertisement