کۆمپانیایەکى تر لە هەرێم ئینتەرنێتى کرد بە خۆڕایى
03:54 - 10/04/2020
"زەمەن"
کۆمپانیایەکى ئینتەرنێت لە هەرێمى کوردستان
بڕیاریدا رۆژانە ٦ کاتژمێر ئینتەرنێت بێبەرامبەر بدات بە هاوبەشەکانى.
کۆمپانیاى گۆران نێت لە راگەیەنراوێکدا ئاشکرایکرد، لەم بارودۆخە ناھەمووارەدا کە بە ھۆی ڤایرۆسی کۆرۆناوە دنیا و لە نێوانیشیاندا
کوردستان بە قەیرانێکی گەورەدا تێدەپەرێت و بەمەبەستی هاوکاری کردنی هاوڵاتیان و بەشداربووە
ئازیزەکانمان، کۆمپانیاکەمان لەسەر فەرمانی فاروقی مەلا مستەفا، ئۆفەرێکی تایبەت پێشکەش
بە بەشداربووانی دەکات.
کۆمپانیاکە دەڵێت، بەشداربوانی گۆران نێت 4G دەتوانن سودمەندبن لە ئینتەرنێتی بێبەرامبەر لە کاتژمێر 6 ی بەیانی
تا 12ی نیوەڕۆ.
رونیکردوەتەوە، ئەم ئۆفەرە بۆ هەموو بەشداربوانە
چ ئەوانەی کە هێڵەكانيان كارايه و پلانی کارایان هەیە یاخود ئەوانەی کە هیچ پلانێکیان
نیە، دەتوانن ڕۆژانە ئینتەرنێت بێبەرامبەر بەدڵی خۆیان بەکاربهێنن لە کاتژمێر 6 ی
بەیانی تا 12 ی نیوەڕۆ.
پێشتریش کۆمپایناى IQ بۆ ماوەى ١٠ رۆژ ئینتەرنێتى بۆ بەشداربوانى کرد بە خوڕایی.