خۆت به‌دوور بگره له‌م خواردنانه تا زییان به ددانتان نه‌گات
10:03 - 25/03/2020
123 جار خوێندراوەتەوە
"زه‌مه‌ن"
پاك و خاوێن ڕاگرتنی ددانەكان و شوشتنیان بەشێوەیەكی رۆژانە بە فڵچەی تایبەتی، هۆكارە بۆ پاراستنیان لەهەموو جۆرە میكرۆبێكی خراپ و هەركێشەیەكی تر كە زیان بەددانەكانت بگەیەنێت
ئەم خۆراكانە بەشێوەیكی ڕاستەوخۆ زیان بە ددانەكان دەگەیەنن:
1-ئەو خواردنەوانەی كە شەكریان تێدایە : لەگەڵ ئەوەی حەز بۆ خواردنەوەیان لای مرۆڤەكان زیاترە ، بەڵام خواردنەوەی زۆرو بەردەوامی ئەو خواردنەوانە رێژەی ترشەڵۆكی ناو دەم زیاد دەكات .
2-خواردنی شیرینی : ئەم خواردنانە بەرێژەیەكی زۆر شەكریان تێدایە ، بەتایبەتی ئەو خۆراكانەی شیرینیەكەیان لەسەر زمان دەمێنێتەوە بۆیە زیان دەگەینێت بەددانەكان و ترشەڵۆكی ناو دەم زیاد دەكات .
3-ئەو خۆراكانەی رێژەیەكی زۆر كاربۆهیدراتیان تێدایە : زۆرێك لە خواردنەكانی وەك (برنج ، مەعكەرۆنی ، بەتاتە) بەڕێژەیەكی زۆر شەكری نەتواوەیان لەناودایەو ڕیّژەی بەكتریا زیاد دەكەن و زیان بەددانەكان دەگەیەنن .
4-خواردنەوەی چا و قاوە :رێژەی ترشەلۆكی ناو دەم زیاد دەكات و زیان بەمینای ددان دەگەیەنێت ، خواردنەوەیان بەبەردەوامی رەنگی ددان تێك دەدات و رێگر دەبێت لەمانەوە رەنگە سپیە جوانەكەی .