دوو کۆمپانیای خزمەتگوزاری ئینتەرنێت نرخەکانیان دادەبەزێنن
03:15 - 23/03/2020
"زەمەن"
حکومەتی هەرێمی کوردستان لەم دۆخەی کە هاوڵاتیانی هەرێمی
تێدایە و بۆ ڕێگری لە بڵاوبوونەوەی کۆرۆنا لەماڵەوە دەمێننەوە داوایکردبوو نرخی
خزمەتوزاری ئینتەرنێت دابەزێندرێت، دوو کۆمپانیاش بەدەم ئەم داواکارییەوە هاتوون.
بەپێی نووسراوێك، كه واژۆی ئانۆ جهوههر، وهزیری
گواستنهوه و گهیاندنی حكومهتی ههرێمی كوردستانی لەسەرە، ئاراستهی كۆمپانیاكانی
دابینكردنی خزمهتگوزاریی ئینتهرنێت كراوه، كه دهستپێشخهرییهك بۆ ههرزانكردنی
نرخ و زیادكردنی خێرایی خزمهتگوزارییهكه پێشكهش بكهن.
لەبەرامبەردا کۆمپانیای
فاست لینک بڕیار داوە له سەرەتای مانگی 6ی ئەمساڵەوه نرخەکانی سەدا 25 دابەزێنیت،
هەروەها بەڵێنی داوه خێرایی خزمەتگوزارییەکەی بەرزبکاتەوه.
هەروەها کۆمپانیای
نوورتێل-یش وڵامی داواکارییەکەی حکومەتی داوەتەوه و بڕیاری دا له ئەمڕۆوه خێرایی نینتەرنێتەکەی
دوو هێنده لێبکات و کوالیتییەکەی بەرزبکاتەوه و خێرایی پاکێجی 39هەزارییەکەی له 15
مێگابیتەوه دەکاته 30 مێگابیت و له پاکێجه 59 هەزارییەکەی خێرایی له 25 مێگابیتەوه
دەگەیەنێته 50 مێگابیت.
هەروەها نرخی
خزمەتگوزارییەکان له سەرەتای مانگی 6ی ئەمساڵەوه سەدا 25 دادەبەزێنیت.
