هەواڵ

عادل عەبدولمەهدی وەڵامی پەیامەکەی سیستانی دایەوە

01:58 - 09/11/2019 206 جار خوێندراوەتەوە

"زەمەن" 

سەرۆک وەزیرانی عێراق، بەیاننامەیەکی بڵاوکردەوە و ڕایگەیاند، هەموو هەوڵێک دەدەین بۆ جێبەجێکردنی داواکاری خۆپیشاندەران، گۆڕانکاری لە وەزارەتەکان دەکەین و موچەی پلەباڵاکان بۆ نیوە کەمدەکەینەوە.

 
 عادل عەبدولمەهدی سەرۆک وەزیرانی عێراق وەڵامی پەیامەکەی عەلی سیستانی مەرجەعی باڵای شیعەکانی دایەوە و ڕایگەیاند، لێکۆڵینەوەی ورد لە دۆسیەی قوربانیانی خۆپیشاندانەکان دەکەین و گۆڕانکاری پێویستیش لە وەزارەتەکانی حکومەتدا دەکەین.

لە بەیاننامەکەدا هاتووە، چاکسازی لەهەریەکە لە کۆمسیۆنی باڵای هەڵبژاردنەکان و پێدانی پلە وەزیفیەکاندا دەکەین، یاسای کار لە کەرتی گشتی و تایبەتدا ڕێکدەخەین و جێبەجێی دەکەین.

ئاماژەی بەوەشکردوە، هەرکەس و لایەنێک دەستی لە ڕفاندن و دەستگیرکردنی نایاسایی خۆپیشاندەراندا هەبێت دەدرێتە دادگا و سزا دەدرێت.

دەڵێت، یاسای قەدەغەکردنی هەڵگرتنی چەک جێبەجێدەکەین ، لەپێناو سەلامەتی گەل و دژایەتی هەر گروپ و لایەنێک دەکەین لەدەرەوەی دامەزراوەکانی حکومەت چەک هەڵبگرن.

سەرۆک وەزیران وتیشی، مافی هیچ لایەنێک نیە حکومەت قۆرخ بکەن و هەندێک گوروپ و لایەنن حکومەت ناچاردەکەن ڕێوشوێنەکان توندتر بکەن.

سۆشیال میدیا

ڕۆژنامەی زەمەن