بزوتنەوەی گۆڕان نیوەی ڕێگاکەی بڕی !
5/11/2019 11:29:00 AM
گەیلان شێخ عومەر
لە مێژووی چارەگە
سەدەیێکی ململانێ توندی سیاسی و فکری نێوان
لایەنە سیاسیەکانی هەرێمی کوردستان ، بزوتنەوەی گۆڕان ڕاستگۆترین لایەنی سیاسی بوە
تاکو ئەم لەحزەیە ، بە تەواوی توانای کاریکردوە بۆ پیادەکردنی بەرنامەو ئەو بنەمایانەی
لە پێناوی دامەزراوە .
چەسپاندن و جێگیرکردنی بنەمای هەڵبژاردنی سەرۆکی هەرێم لەناو پەرلەمان
و کارکردن بۆ بونیاتنانی سیستمی پەڕلەمانی لە کوردستاندا کار و ئەرکی لە پێشینەی
بزوتنەوەی گۆرا بوە و لەسەرجەم هەڵبژاردنەکانیشدا بە ڕوونی باسی کردوە .
لە کۆبونەوەی
ئەمجارەی پەرلەمان بۆ شێوەی
هەڵبژاردنی سەرۆکی
هەرێم ئەو ڕاستیە بۆ هەموو لایەک ئاشکرابوو کە بزوتنەوەی گۆڕان نیوەی ڕێگا سەختەکەی
خەباتی مەدەنی بڕی و دەسکەوتی گەورەی سیاسی پێشکەشی هەرێمی کوردستان کرد و جارێکیتر وەفاداری خۆی بە بەرنامەکەی پێشانی ڕای
شتی دایەوە.
بۆ نیوە ڕێگاکەی
تریش بزوتنەوەی گۆڕان پێوستی بە زۆرێک لە لایەنە سیاسیەکان هەیە تا پێکەوە دەستورێکی
باش و سەردەمیانە لە فۆرمی سیستمی پەڕلەمانی بکەنە دیاری خەڵکی هەرێم بە جۆرێک ئەم
هەرێمە بەرەو ئارامی سیاسی و بە دامەزراوەیی کردنی دامودەزگاکان و رێکخستنی هێزی پێشمەرگە
لەیەک سوپای نیشتیمانی و دادی کۆمەڵایەتی ئابوری ببات .
بزوتنەوەی گۆران
بە سیاسەت و دونیا بینی خۆی سیحری ململانێی ناشرینی سیاسی لەم وڵاتە بە جۆرێک تێکشکاند
کە ئیتر نە حیزبی چەکدار بە تەنها خاوەن بڕیاری سیاسیە و نە حیزبی مەدەنیش تەنها
کاری بێدەنگی و سەرلەقاندنە .
ئەوەی بۆ ئەو
قۆناغەی ئێستا پێویستە ئەوەیە، ئەو هێزو
لایەن و کەسایەتیانەی باوەڕیان بە خەباتی مەدەنی هەیە بەمەبەستی پێشکەوتنی هەرێم باشتروایە پشتیوانی سیاسی و مەعنەوی بزوتنەوەی گۆڕان بکەن
تاکو پێکەوە بتوانن ژیانێکی شایستە و سەربڵندانە بۆ تاکی هەرێم دروست بکەن کە مافێکی
ئاسای و یاسایی خۆیانە .