وتار

- ئایا ئەمەریكا هێرش دەكاتە سەر ئێران...؟

9/18/2019 10:21:00 PM 55 جار خوێندراوەتەوە
د.سەنگەر سەید قادر


د.سەنگەر سەید قادر
  هێرشەكەی سەر دامەزراوە نەوتیەكانی پارێزگای بەقیقی سعودیە لە خاكی عێراق و ئێران. و لە سنورەكانی ئەهوازی ئێران و بەسرەوە بە ١٨ فڕۆكەی بێ فڕۆكەوان و ٧ موشەكی بالیستی جۆری قودس و هیریز و بە فەرمانی خودی عەلی خامەنەئی ئەنجامدراوە

هێرشەكەی ئەمجارە زۆر جیاواز ترە لە هێرشەكانی ڕابردووی ئێران بۆسەر سعودیە و كەشتیە نەوتیە جیهانیەكان  چونكە:

١- هێرشەكانی ڕابردووی ئێران لە دەرەوەی خاكی ئێرانەوە ئەنجامی دەدا و زۆر جاریش بەناڕاستەوخۆ لە ڕێگەی میلیشیا هاوپەیمانەكانیەوە ئەنجامی دەد، بەڵام هێرشەكەی ئەمجارە لەناوخاكی ئێرانەوە ئەنجامدراوە

٢-هێرشەكانی ڕابردوو كاریگەری و مەترسی ڕاستەوخۆی دروست نەكرد بۆسەر ئاسایشی وزەی جیهان، بەڵام هێرشەكانی ئەمجارە بە جۆرێك كاریگەر بوو كە قەیرانێكی سوتەمەنی لە جیهاندا دروست كرد و نرخی سوتەمەنی لە ئەمەریكا بەڕێژەی سەدا ١٢% بەرزكردەوە

٣- مایك پۆمپیۆ و بەشێك لە سەركردەی وڵاتان ئەم هێرشەیان بە ڕاگەیاندنی شەڕ ناوبردوە، ئەمەش لەڕووە سیاسیەكەوە بەمانای ئەوەدێت كە ئێران سنوری هێڵی سوری بەزاندوە

٤-ئەم هێرشە ترەمپی بە ئاگا هێنایەوە كە بردنەوەی لە هەڵبژاردندا لە ژێر مەترسی ئێراندایە چونكە ئەگەر بە ماوەیەكی كەم پێش هەڵبژاردنەكانی ئەمەریكا ئێران هێرشێكی هاوشێوەی هێرشەكەی بەقیق ئەنجام بدات دۆڕاندنی لە هەڵبژاردنەكەدا ئەگەرێكی زۆر بەهێزە

٥- هێرشەكە دەكرێت بە ١١سێبتەمبەرێكی نوێ ناوببرێت چونكە بە نێودەوڵوتی كراوە و نەتەوە یەكگرتووەكان و فەرەنسا و بەریتانیا و ڕوسیا و ئەمەریكا و ئەڵمانیا و ٢٧ دەوڵەت بەشداری لە لێكۆڵینەوەكاندا دەكەن

هەربۆیە هەروەك چۆن هێرشەكەی سەر بەقیق جیاواز بووە لە هێرشەكانی بەهەمان شێوەش كاردانەوەكان جیاواز دەبێت، بۆیە بەڕای من:

١-  ترەمپ بڕیاری ئەنجامدانی هیچ هێرشێكی سەربازی بۆسەر ئێران نادات  بەهۆی مەترسی وەڵامدانەوەی ئێران، لەبەری ئەوە لەپشت پەردە و بەنهێنی ڕەنگە هێرشی ئەلیكترۆنی یان هەرهێرشێكی ناسەربازی ئەنجامبدات

٢- ئاراستە كردنی ئیسرائیل بۆ ئەنجامدانی هێرشی سەبارزی بۆسەر ئێران و دام ودەزگا نەوتی و سەربازی و ئەتۆمیەكانی و كردنە ئامانجی هاوپەیمانەكانی لە عێراق و سوریا و لوبنان یەكێكی ترە لە ئەگەر و بژاردەكان

٣- لەسەر ئاستی سیاسیش ئێران دەرفەتێكی ئاڵتونی لەكاتێكی گونجاودا بەخشیە ئەمەریكا، چونكە هێرشەكە وایكرد هاوپەیمانێتیەكی نێودەوڵەتی دژی ئێران پێكبهێنرێت و زۆرینەی وڵاتانی جیهان بەشداری تێدابكەن

٤- هەروەها كۆبونەوەی ساڵانەی نەتەوەیەكگرتووەكان كە هەفتەی داهاتوو لەنیۆرك ئەنجامدەدرێت دەرفەتێكی زێڕینە بۆ ئەمەریكا كەلە ڕێگەی نەتەوە یەكگرتووەكانەوە بڕیار دژی ئێران دەربكرێت بەوەش باز بەسەر ڤیتۆی چین و ڕوسیاژە ئەنجومەنی ئاسایشدا دەدات

٥- ئەڵمانیا و بەریتانیا بە ئاشكرا ڕایانگەیاند كە دەبێت وەڵامێكی توندی هاوبەشی جیهانی هەبێت بۆ هێرشەكە

بۆیە لە هەموو ئەگەرەكاندا دەكرێت هێرشە هاوشێوەی هێرشەكەی ١١ سێبتەمبەر یان داگیركردنی كوەیت لەلایەن سەدامەوە پێناسە بكەین و دەبێتە دەستپێكی قۆناغێكی نوێ و گۆڕانكاری گرنگ، بۆمبەكەی ئێران گەرم تر دەكات بەجۆرێك ڕەنگە لەهەر سات و چركەیەكدا بتەقێتەوە.

سۆشیال میدیا

ڕۆژنامەی زەمەن