ئایا حکومەتەکەی عادل عەبدولمەهدی هەڵدەوەشێتەوە؟
9/7/2019 9:46:00 AM
د.سەنگەر سەید قادر
لە ئێستادا هێزە سیاسەکانی عێراو جوڵەیان تێکەوتوە و تایی هەڵبژاردنیش وردەوردە بەرز دەبێتەوە و موزایەدەیەی سیاسی لە بازاڕ گەرمی دایە بۆیە حکومەتی عبدالمەهدی بەم شێوەی ئێستای نامێنێتەوە و دوو سیناریۆ هەیە بۆ گۆڕانکاریەکان:
١- سیناریۆی یەکەم: لە چوار چێوەی بانگێشت کردنی وەزیرەکاندا بۆ پەرلەمان ژمارەیەک لە وەزیرەکان متمانەیان لێ بسەنرێتەوە یان عادل عبدالمەهدی ناچار بکرێت گۆڕانکاری لە حکومەتدا بکات
٢- سیناریۆی دووەم: لێسەندنەوەی متمانە لە کۆی حکومەتەکەی عادل عبدالمەدی و پێکهێنانی حکومەتێکی نوێ
٣- سیناریۆی سێیەم : بەهۆی فشاری لایەنەکان و نەبونی دەسەڵات و دەستێوەردان لەکاروباری حکومەت لەلایەن حیزبەکانەوە عادل عبدالمەهدی ناچار بکات دەست لەکارکێشانەوەی خۆی پێشکەش بکات
- بەپێی زانیاریەکان هەریەکە لە کوتلەی سائیرون بەسەرۆکایەتی سەدر و کوتلەی نەسر بەسەرۆکایەتی عەبادیبەشێک لەلایەنە سونەکان لەگەڵ سیناریۆی دووەمدان بە هەڵوەشاندنەوەی حکومەت و پێکهێنانی حکومەتێکی نوێ
- هەرچی کوتلەی فەتح و ڕەوتی حیکمەیە لەگەڵ سیناریۆی یەکەمدان بە مانەوەی حکومەت و بەسەرۆکایەتی عادل عبدالمەهدی و گۆڕانکاری لەچەند وەزارەتێکی حکومەتدان
چونکە هەڵوەشاندنەوەی حکومەت حەشدی شەعبی بەپێ پارێز بەندی دەهێڵێتەوە لەبەرامبەر هێرشەکانی ئیسرائیلدا و مانەوەی حکومەتی عبدالمەهدی بەمم لاوازیەی ئێستای لەبەرژەوەندی کوردە
- بەرەی سێیەم کورد و دەوڵەتی یاسایە لەگەڵ مانەوەی حکومەتدان. وەک و خۆی بەبێ هیچ گۆڕانکاریەک چونکە دۆخی ئێستا و مانەوەی حکومەتی عبدالمەهدی وەک ئێستا لە بەرژەوەندی کوردە
بۆ دەوڵەتی یاساش(حیزبی دەعوە) گرنگی لەوەدایە بە پشتیوانی ئێران دەیانەوێت جارێکی تر بێنەوە سەر دەسەڵات لە ڕێگەی کۆنترۆڵکردنی دەسەڵاتی خۆجێی پارێزگاکانەوە و واینیشان بدەن کە دورکەوتنەوەی ساڵێکی حیزبی دەعوە لەدەسەڵات دۆخی عێراقی خراپتر کردوە
بەڵام ئەوەی کاریگەری یەکلای کەرەوەی دەبێت لەسەر ئاراستەی گۆڕانکاریەکان ئێرانە و هەلوێستی ئێران و ئاراستەکردنیشی پەیوەستە بە ململانێکانی ئەمەریکا و ئیسرائیل و ئێرانەوە