سبەینێ لە بەغدا بڕیار داهات و نەوت دەدرێت
09:06 - 15/09/2025
زەمەن پرێس:
بریارە سبەینێ ئەنجومەنی دەوڵەت تاوتوێكردنی یاسایی پرسی
داهاتی نانەوتیی هەرێم تەواو بكات و ئەنجامەكەی بەر لە كۆبوونەوەی سبەینێی
ئەنجومەنی وەزیرانی عیراق ئاراستەی ئەنجومەنەكە بكات، تاكو لە كۆبوونەوەكەدا
بخرێتە بەر باس و بڕیاری لەبارەوە بدرێت.
ئاماژەی بەوەشکردوە، ئەگەر ئەنجومەنی دەوڵەت بەر لە كۆبوونەوەی
ئەنجومەنی وەزیرانی عیراق كارەكانی تەواو نەكات، ئەوا پێشبیندەكرێت لە رۆژانی
چوارشەممە و پێنجشەممەی داهاتوو كارەكانی تەواو بكات و راو بۆچوونی خۆی لەو بارەوە
بخاتە بەردەم ئەنجومەنی وەزیران.
هاوكات، كەمال محەمەد وەزیری سامانە سروشتییەكانی هەرێم بە وەكالەت لە
پەراوێزی دیدارێكیدا لەگەڵ لیوجیون كونسوڵی چین لە هەرێم رایگەیاند، بەمنزیكانە
كێشە و ئاستەنگەكانی بەردەم هەناردەكردنەوەی نەوتی هەرێم چارەسەر دەكرێن.