ئیدارەی خۆسەر: هەر پرۆژەیەک بۆ دابەشكردنی سوریا ڕەتدەكەینەوە
08:44 - 14/09/2025
زەمەن پرێس:
پەیوەندییەکانی
دەرەوەی ئیدارەی خۆسەری باکورو رۆژهەڵاتی سوریا جەخت دەکاتەوە، بەشداریپێکردنی
هەموو پێکهاتەکانی سوریا لە داڕشتنی چارەسەردا گەرەنتی بونیادنانی دەوڵەتێکی
دیموکراسيە و هەموو هەوڵێک بۆ دابەشکردنى سوریا ڕەتدەکەینەوە.
پەیوەندییەکانی
دەرەوەی ئیدارەی خۆسەری دیموکراتی باکور و رۆژهەڵاتی سوریا لە بەیاننامەكدا رایگەیاند، وەسفکردنی بەشداری سیاسی و حوکمڕانی نا
ناوەندێتی و داوای ئاشتەوایی نیشتمانی بە بانگەوازی جیابونەوە، وەسفێکە پێچەوانەی
راستی و واقیعە، بە کردەوە دەبێتە هۆی زیادبونی دووبەرەکی لە نێوان سورییەکان نەک
پتەوکردنی یەکڕیزییان.
وتیشی:
قسەکردن لەسەر رێژەی دانیشتوان و جیاکردنەوەی پێکهاتەکانی باکور و رۆژهەڵاتی سوریا
لە یەکتر، رێبازێکی هەڵەیەو هەڕەشە لە بنەماكانی پێکەوەژیانی هاوبەش دەکات و هەر
ئەگەرێکی دووبارە بونیادنانەوەی متمانەش لەناو سورییەکان لەباردەبات.
پەیوەندییەكانی
دەرەوەی ئیدارەی خۆسەر راشیدەگەیەنێت: باوەڕمان وایە، گفتوگۆی هەمەلایەنە و
بەرپرسیارانە تاکە رێگایە بۆ دەستەبەرکردنی یەکڕیزی سوریاو پاراستنی داهاتووی،
بەشداریپێکردنی هەموو پێکهاتەکانی سوریا لە داڕشتنی چارەسەردا، گەرەنتی راستەقینەی
بونیادنانی دەوڵەتێکی دیموکراسی، نا ناوەندی ودادپەروەرە کە رێز لە فرەیی بگرێت و
مافەکانی هەموو هاوڵاتیانی خۆی دەستەبەر بکات.