سودانی مۆڵەتى هەفتەیەک دەداتە لیژنەکانى هەرێم و بەغدا
08:32 - 26/08/2025
زەمەن پرێس:
سەرۆک وەزیرانى عێراق داواى لە هەولێر و بەغدا کردوە لەماوەى هەفتەیەکى دیکە بگەنە ئەنجام، تاوەکو مووچەى مانگەکانى تەمموز و ئاب بڕیارى لەسەر بدرێت.
محەمەد شیاع سودانی، سەرۆکوەزیرانى عێراق لە
کۆبوونەوەى ئەنجومەنى وەزیران ڕایگەیاندوە، لە کۆبوونەوەی ئەنجوومەنی وەزیرانى
عێراق گفتوگۆ لەبارەی کاری لیژنە هاوبەشەکە کراوە و مۆڵەتى هەفتەیەکیش بۆ رێککەوتن
لەبارەى دۆسییەکانى داهاتى نانەوتى و هەناردەکردنەوەى نەوت، لەنێوان هەولێر و
بەغدا دراوە.
سودانى لە کۆبوونەوەکەدا ئاماژەى بەوەکردوە،
ناکرێت خەڵک بێ مووچە بێت، بۆیە داواى کردووە هەولێر و بەغدا لەماوەى هەفتەیەکى
دیکە بگەنە ئەنجام، تاوەکو مووچەى مانگەکانى تەمموز و ئاب بڕیارى لەسەر بدرێت.
دوانیوڕۆی ئەمرۆ ئەنجومەنى وەزیرانی عێراق
بڕیاریدا بە خەرجکردنى مووچەی مانگی ٦ـی مووچەخۆرانی هەرێم دەرکرد.