273 کوردستان

" تا پێنجشەممە مووچەی تەواوی عێراق و هەرێم دابەشدەکرێت"

04:09 - 23/03/2025

زەمەن - هەرێمی كوردستان

 

لەمڕۆە تا ڕۆژی پێنجشەممە 27ی ئازار، مووچەی هەموو عێراق و هەرێمی کوردستان دەدرێت.

ئەندامی فراكسیۆنی پارتی لە پەرلەمانی عێراق، شێروان دووبەردانی بە میدیای پارتی وتووە: “لە دارایی فیدراڵ زانیاریمان وەرگرتووە، لەمڕۆوە تا ڕۆژی پێنجشەممە، مووچەی هەموو فەرمانگە و دامەزراوەکانی عێراق و فەرمانبەرانی هەرێمی کوردستان دەدرێت”.

ئەو پەرلەمانتارە ئاشکراشی کرد: “ئەگەر وردبینییش بەهۆی جەژنەوە تەواو نەبێت، مووچەی هەموو مووچەخۆران و فەرمانبەرانی عێراق بە هەرێمی کوردستانیشەوە، دەدرێت”.

جەختی لەوەشکردوەتەوە، دەگەڕێنەوە بەغدا و لە نزیکەوە بەدواداچوون بۆ ناردنی مووچەی هەرێمی کوردستان دەکەن، وتیشی: “لیستی مووچە ڕێکوپێکە و کێشەی نییە و دەبێ ڕێکارەکانی تەواوکردنی تەمویلیش بکرێ و بنێردرێت”.

بۆ مووچەی مانگی ئازار، وەزارەتی دارایی و ئابووریی هەرێمی كوردستان داوای نزیکەی 958 ملیار دیناری کردووە.

سۆشیال میدیا

ڕۆژنامەی زەمەن