سودانی بەڵێنیداوە چارەسەری مووچەی پێشمەرگە و هێزە ئەمنییەکان بکات
04:20 - 10/07/2024
زەمەن _ عێراق
سودانی بەڵێنیدا چارەسەری مووچەی پێشمەرگە و هێزە ئەمنییەکان بکات لە چەند ڕۆژی داهاتوودا مووچەکانیان خەرج بکرێت.
ئەمڕۆ چوارشەممە ١٠ی تەمووزی ٢٠٢٤، د. شاخەوان عەبدوڵڵا، جێگری سەرۆکی پەرلەمانی عێراق، لەگەڵ محەممەد شیاع سوودانی، سەرۆکوەزیرانی عێراق کۆبوەتەوە و تاوتوێی چارەسەکردنی کێشەی نەناردنی مووچەی هێزەکانی پێشمەرگە و هێزەئەمنییەکانیان کردووە.
جێگری سەرۆکی پەرلەمانی عێراق ئاماژەی بەوەشدا، داوایان لەسەرۆکوەزیران کردووە، ئەو ناوانەی لە لیستی هێزەئەمنییەکان کێشەیان تێدایە، جێ بهێلدرێن بۆ دیوانی چاودێریی دارایی تاوەکو وردبینی تێدا بکات و ئەو ناوانەشی کە وردبینی تێیدا کۆتایی هاتووە و کێشەی نییە، مووچەکانیان خەرج بکرێت.
هەروەها شاخەوان عەبدوڵا وتیشی: سودانی بەڵێنی داوە لەماوەی چەند ڕۆژی داهاتوودا کێشەی مووچەی هێزە ئەمنیەکان چارە بکرێت و مووچەکانیان ڕەوانە دەکرێت