مەسرور بارزانى پەیامێکى نوێى بۆ یەکێتى نارد
07:33 - 18/03/2023
زەمەن_هەرێمى کوردستان
سەرۆکی حکوومەتی هەرێمی کوردستان داوا لە وەزیرەکانى
یەکێتى دەکات بگەڕێنەوە ئەنجومەنى وەزیران.
ئەمڕۆ شەممە 18/3/2023، مەسرور بارزانی، سەرۆکی
حکوومەتی هەرێمی کوردستان، لەمیانی ئاهەنگی پێشوازیکردن لە جەژنی نەورۆز کە بە
ئامادەبوونی ژمارەیەک لە باڵیۆز و نێردەی وڵاتان لە چیای کۆڕەک بەڕێوەچوو، وتارێکی
پێشکەش کرد و رایگەیاند: "دوای چەندین کۆبوونەوە لەگەڵ حکوومەتی عێراقی، گەیشتووینەتە
رێککەوتنێکی سەرەتایی، لە دوایین کۆبوونەوەم لەگەڵ سەرۆک وەزیرانی عێراق رێککەوتووین
لەسەر ئەوەی کێشە و جیاوازییەکانمان بکەینە دەرفەت و زۆرێک لە کێشە هەڵپەسێردراوەکانمان
چارەسەر بکەین".
وتیشی: "داوا لە تیمی یەکێتیی نیشتمانیی
کوردستان لە وەزیرەکانیان لە جێگری سەرۆکی حکوومەت دەکەم بگەڕێنەوە بۆ کۆبوونەوەکانی
ئەنجوومەنی وەزیران، وە کورسیەکەی خۆیان ئەنجوومەنی وەزیران بکەنە شوێنێک بۆچارەسەری
کێشەکان".