کوردستان

شاندێکى یۆنامى سەردانى بزوتنەوەى گۆڕان دەکات

08:59 - 24/01/2023 90 جار خوێندراوەتەوە

زەمەن_هەرێمى کوردستان

 

شاندێکى نێردەى نەتەوە یەکگرتووەکان لە عێراق، سەردانى بزوتنەوەى گۆڕان دەکات و پێکەوە پرسى هەڵبژاردن و پەیوەندى نێوان لایەنە سیاسییەکان تاوتوێ دەکەن.

دوێنێ دوشەممە (٢٣/١/٢٠٢٣)، شاندێکى یۆنامى کە پێکهاتبون لە مونیاراتزى مۆتسى و بڵند سەعد حسێن، راوێژکارانى کاروبارى سیاسیى یۆنامى، سەردانى بزوتنەوەى گۆڕانیان کرد و لەلایەن کاردۆ محەمەد رێکخەرى ژورى پەرلەمانى بزوتنەوەى گۆڕان و گوڵستان سەعید سەرۆکى فراکسیۆنى گۆڕان و بەڵێن ئیسماعیل و جەلال محەمەد، ئەندامانى فراکسیۆنەکە، پێشوازیان لێکرا.

لە کۆبونەوەکەدا، رەوشى سیاسى هەرێم و پەیوەندى نێوان لایەنەکان گفتوگۆیان لەبارەکرا و جەختکرایەوە لەسەر دۆزینەوەى خاڵە هاوبەشەکانى نێوان لایەنەکان و بەهێزکردنەوەى دامەزراوەکان.

هاوکات هەردولا هاوڕابون لەسەر پێویستیی ئەنجامدانى هەڵبژاردنێکى پاک و بێگەرد لەمساڵدا.

سۆشیال میدیا

ڕۆژنامەی زەمەن