337 عیراق

سودانى گه‌ڕاندنه‌وه‌ی به‌شێك له‌ پاره‌ دزراوه‌كانی راگه‌یاند

07:21 - 27/11/2022

"زەمەن"
محه‌مه‌د شیاع سوودانی، سه‌رۆك وه‌زیرانی عێراق، گه‌ڕاندنه‌وه‌ی به‌شێك له‌ پاره‌ دزراوه‌كانی ده‌سته‌ی باجی راگه‌یاند.

ئێواره‌ی ئه‌مڕۆ له‌ كۆنگره‌یه‌كی رۆژنامه‌وانیدا محه‌مه‌د سودانی، كه‌ له‌ ده‌سته‌ راست و ده‌سته‌ چه‌پی خۆی بڕێكی دینار و دۆلاری دانابوو، ئاماژه‌ی به‌وه‌كرد به‌شێك له‌ پاره‌ دزراوه‌كانی ده‌سته‌ی باج.

سه‌رۆك وه‌زیران، وتی: له‌ قۆناغی یه‌كه‌مدا 182 ملیار دیناری ده‌سته‌ی باج گه‌ڕێندراوه‌ته‌وه‌، كه‌ پێشتر به‌ چوار قۆناغ بڕی زیاتر له‌ 3 ترلیۆن دینار براوه‌ته‌ ده‌ره‌وه‌ی وڵات.

محه‌مه‌د سودانی، وتیشی: ناوی ئه‌و كه‌س و كۆمپانیایانه‌ ئاشكرا ده‌كه‌ن، كه‌ ده‌ستیان له‌ بردنی سامانی عێراق بۆ ده‌ره‌وه‌ هه‌بووه‌.

لەماوەی رابردودا حکومەتی عێراق بەفەرمی دانی بەوەدا نا، کە زیاتر لە سێ ترلیۆن و ٧٠٠ ملیار دینار لە پارەی باجەکانی عێراق، لەلایەن باندێکی ڕێکخراوەوە براوەتە دەرەوەی عێراق، كه‌ به‌ "دزی سه‌ده"‌ ناوبرا، هاوکات ژمارەیەک کەسیش لەسەر ئەو دۆسیەیە دەستگیرکراون.