کوردستان

کچێک لە شوقەکانى زەکەریا کەوتەخوارەوە و گیانی لەدەستدا

09:17 - 25/09/2022 118 جار خوێندراوەتەوە

زەمەن_سلێمانى


کچێک لە قاتی 12ی یەکێک لە باڵەخانەکانى شوقەکانی نیشتەجێبوونی زەکەریا لە سلێمانی، کەوتەخوارەوە و بەهۆیەوە گیانی لەدەستدا. 



سامان نادر، بەڕێوەبەری سەنتەری فریاکەوتنی خێرای سلێمانی (122) بە "زەمەن"ى ڕاگەیاند، ڕووداوەکە شەوی ڕابردوو لە شوقەکانی زەکەریا لە سلێمانی ڕوویداوە، کچەکە تەمەنی سەرو 30 ساڵە و دەستبەجێ گیانی لەدەستداوە. 

 وتیشى، تەرمەکە رەوانى پزیشکى داد کراوە بۆ پشکنین و هێزە ئەمییەکانیش دەستیان بە لێکۆڵینەوە کردووە لە روداوەکە.

تائێستا هۆکاری کەوتنەخوارەوەی ئەو کچە دیار نییە و هێزە ئەمنییەکان هیچ زانیارییەکیان بڵاونەکردووەتەوە. 

 

سۆشیال میدیا

ڕۆژنامەی زەمەن