کوردستان

مامۆستایه‌كی ئاینیی له‌ دهۆك له‌ وتاردان دورخرایه‌وه‌

06:56 - 01/07/2022 191 جار خوێندراوەتەوە

زه‌مه‌ن_دهۆك


مامۆستایەکی ئاینی لە پارێزگای دهۆک رایگەیاند، لە لایەن بەڕێوبەرایەتی ئەوقافی ئەو پارێزگایەوە ئاگادارکراوەتەوە بۆ ماوەی چەند هەفتەیەک لە وتاری هەینی دوردەخرێتەوە.


ئەمڕۆ هەینی مامۆستا شڤان حەمۆدی وتارخوێنی مزگەوتی مەلحەم محێ لە پارێزگای دهۆک رایگەیاند، ئاگادارکراوەتەوە بۆ ماوەی چەند هەفتەیەک لە وتاری هەینی دوردەخرێتەوە.

ئاماژەی بەوەشكردووە، بەهۆی ئەوەی لە بەسێک لە وتارەکانیدا باسی گەندەڵی دەسەڵاتی کردووە ئەو بڕیارە لە دژی دەرکراوە.

هاوکات، بەڕێوبەرایەتی ئەوقافی دهۆک رایگەیاند، ئەو مامۆستایە حکومەتی تۆمەتبار کردووە و رەمزە نیشتیمانیەکانی بێبەها کردووە بۆیە بڕیاری راگرتنی وتارەکانیان داوە.

ئەوەشی خستووەتەڕوو، ئەگەر ئەو مامۆستایە بە خۆیدا بچێتەوە و داوای لێبوردن بکات لە بڕیارەکەیان پاشگەزدەبنەوە.

سۆشیال میدیا

ڕۆژنامەی زەمەن