کوردستان

گەنجێكی كورد دەڵێ بە "جێگری پارێزگاری لەندەن" دیاریكراوم

01:28 - 26/05/2022 449 جار خوێندراوەتەوە

زەمەن

سەرباز بەرزنجی، گەنجێکی خەڵكی ناوچەی حاجیاوای هەرێمی كوردستان، دەڵێ بە "جێگری پارێزگاری لەندەن دیاریكراوم".


سەرباز بەرزنجی، لە هەڵبژاردنی شارەوانیەکانی لەندەن لە بەریتانیا توانی سەرکەوتن بەدەستبهێنێت.

سەرباز بەرزنجی رایگەیاند: ئەمڕۆ لە ڕێوڕسمێکی شایستە و تایبەتدا سەرەڕای ئەرکی ئەنجومەنی شارەوانی ئەرکێکی ترم پێسپردرا، بە زۆرینەی دەنگی ئەنجومەن وەک جێگری پارێزگار ھەڵبژێردرام.

وتی: شەرەفێکی مەزنە مرۆڤ بتوانێت خزمەتی کۆمەڵگا و خەڵکی خۆی بکات و ببێتە نوێنەری ڕاستەقینەی ھاوڵاتیان و ڕابردووی خۆی لەیاد نەکات.

وتیشی: زێدەتر خۆشحاڵ بووم لەو ڕێوڕەسمەدا بە جلوبەرگی نەتەوەیی کوردیەوە سوێندی یاسایم بەجێگەیاند. بەوپەڕی توانامان ھەوڵدەدەین لە ئاستی متمانە و چاوەڕوانی ئێوەدابین.

 

بەپێی زانیارییەكان، ئەم گەنجە بە تەنیا جێگری پارێزگار_سەرۆك شارەوانی_نیە، بەڵكو بووە بە جێگری سەرۆک شارەوانی گەڕەكی لامبێپ لە لەندەن، ئەوە لە كاتێكدایە شارەكە زیاد لە ٣٠ شارەوانیی خۆجێیی هەیە. 

سۆشیال میدیا

ڕۆژنامەی زەمەن