مەسرور بارزانی لەبارەی دۆخی دارایی سلێمانییەوە بڕیار دەدات
09:59 - 17/05/2022
1100 جار خوێندراوەتەوە
زەمەن_سلێمانى
بڕیارە سەرۆکی حکومەتی هەرێمی کوردستان لەگەڵ
پارێزگاکانی سلێمانی و هەڵەبجە و سەرپەرشتیارانی ئیدارە سەربەخۆکانی ناوچەکە لەبارەى
دۆخى دارایی کۆببێتەوە.
بەپێى زانیارییەکان، ئەمڕۆ سێشەممە، مەسرور
بارزانی سەرۆکی حکومەتی هەرێمی هەرێم کوردستان لە بارەی دۆخی دارایی و کێشەى مووچە
و گرفتە کارگێڕییەکانی پارێزگای سلێمانی و هەڵەبجە و ئیدارە سەربەخۆکانی راپەڕین و
گەرمیان کۆببێتەوە.
ئەو کۆبوونەوە لە کاتێکدایە، چەند مانگێکە،
بەهۆى نەبونى پارەى نەقدی لە بانکەکانی سنوری پارێزگای سلێمانیدا، گرفت بۆ موچەی
موچەخۆران دروست بوە و پێشتر سەرۆکی حکومەت رایگەیاند، لەگەڵ بەرپرسانی یەکە ئیدارییەکانی
ئەو ناوچانەدا کۆدەبیتەوە بۆ چارەسەرکردنی ئەو گرفتە و لە ئێستادا ئەم کۆبونەوەیە
ئەنجام دەدرێت بۆ بڕیاردان لەبارەی ئایندەی دۆخی دارایی سلێمانی و ناوچەکانی دیکە
و شێوازی دابەشکردنی موچە لەو ناوچانەدا.