بڕی 70 ملیار دینار بۆ تەواوبوونی رێگای نێوان کەلار و کفری تەرخاندەکرێت
11:23 - 28/12/2021
زەمەن_گەرمیان
بەڕێوەبەرایەتی
رێگاوبانی گەرمیان رایگەیاند، "بڕی 70 ملیار دینار بۆ تەواوکردنی رێگای
نێوان قەزای کەلار و کفری تەرخانکراوە".
لە راگەیەندراوێکدا
بەڕێوەبەرایەتی رێگاوبانی ئیدارەی گەرمیان بڵاویکردەوە، "کارکردن لە پڕۆژەی رێگای
نێوان (کەلار – کفری) بەردەوامە و لە ئێستاشدا گەیشتووەتە قۆناغی چوارەم، کە قۆناغی
کۆتایی پڕۆژەکەیە".
ئاماژەى
بەوەشکردووە، "تێچووی پڕۆژەکە 70 ملیار دینارە کە لەلایەن حکومەتی هەرێمی
کوردستانەوە بەمەبەستی بوژاندنەوەی ئیدارەی گەرمیان و ناوچەکانی سەربەو ئیدارەیە تەرخانکراوە".
دەشڵێت، "تەواوبوونی
پڕۆژەکە رۆڵی دەبێت لە کەمبوونەوەی رووداوەکانی هاتوچۆ و پاراستنی گیانی هاوڵاتیان
و دەبێتەهۆی کەمکردنەوەی ئەو کاتەی بۆ
گواستنەوە پێویستە".
بەگوێرەى
راگەیەنراوەکە، پڕۆژەکە بە نوێترین تایبەتمەندی ئەندازیاری جێبەجێکراوە و دەبێتە رێگایەکی
نمونەیی.