لەم شوێنانە دەوامی خوێندن راگیرا
10:21 - 20/12/2021
"زەمەن"
بەهۆی مەترسی لافاوەوە، لە دوو ناوچەی هەولێر دەوامی قوتابخانەكان راگیرا.
سابر نانەکەلی، بەڕێوەبەری پەروەردەی دەشتی هەولێر رایگەیاند، دەوامی قوتابخانەکان لە سنوری ناحیەی دارەتوو و قوشتەپە بۆ سبەینێ سێشەممە راگیراوە.
وتیشی "ئەوەش بەهۆی بارینی بارانی بەخوڕ و مەترسیی دروستبوونی لافاو، بەمەبەستی سەلامەتی مامۆستایان و قوتابییانی سنورەکە".
ئەمە لە كاتێكدایە لە ئێوارەوە شەپۆلێكی دیكەی باران بارین ناوچە جیاوازەكانی هەرێمی كوردستانی گرتوەتەوە، ئەمشەو پۆلیس داوای لە دانیشتوانی ناحیەی دارەتوو كرد، نەخەون یاخود ماڵەكانیان بەجێبهێڵن.