کوردستان

پزیشکێکی کورد لە کاریگەرییە لاوەکییەکانی وەرگرتنی ڤاکسینی کۆرۆنا ئاشكرا دەکات

06:27 - 04/03/2021 388 جار خوێندراوەتەوە

زه‌مه‌ن_هه‌رێمی كوردستان

پزیشکێکی پسپۆڕی کرد رایگه‌یاند، بەشێک لە ڤاکسینەکان کارگەریی لاوەکیان هەیە و مرۆڤ توشی هەندێک ئازار و ناڕەحەتی دەکەن، بەڵام شتێکی زۆر ئاساییە و هیچ مەترسییەکی نییە.   


د. عارف گۆران، پسپۆری نەخۆشییە هەناوییەکان لە فەیسبوکی فەرمیی خۆی بڵاویکردەوە، "ھاورێی بەرێزم دکتۆرە نگین پەیوەندی پێوەکردم، دیاربوو دوای وەرگرتنی ڤاکسینی جۆری ئۆکسفۆرد — ئەسترازێنیکا تووشی تاو و ئازاری لەش و كه‌مێك نارەحەت ببوو، ھەولمدا بۆی روونبکەمەوە، کە ئەمە کاریگەری لاوەکی بەشێک لە ڤاکسینەکانە و شتێکی زۆر ئاساییە."   

ئاماژەی بەوەشکردووە، "  دوای وەرگرتنی پاراسیتامۆل دیاربوو دۆخی تەواو باشتر بوو، چونکە به‌كارهێنانی ڤاكسین هه‌ندێك كه‌س تووشی ئازار و تا و لەش داھێزران ده‌كات،  ئەمەش كاریگه‌ری لاوه‌كی ئه‌و ڤاكسینه‌یه‌، هیچ مه‌ترسیه‌كی نیه‌ و به‌ ته‌نیا به‌ به‌كارهێنانی پاراسیتامۆل چاره‌سه‌ر ده‌بێت و جێگای نیگه‌رانی و دڵه‌ڕاوكێ نیه‌ ."   

ئه‌مڕۆ پێنجشه‌ممه‌، لە هەولێر  کوتان بە ڤاکسینی کۆرۆنا دەستیپێکرد، 20 کارمەندی بەشی چاودێریی چڕ لە نەخۆشخانەی فریاکەوتنی رۆژئاوای هەولێر ڤاکسینی کۆرۆنایان وەرگرت.

سۆشیال میدیا

ڕۆژنامەی زەمەن

Advertisement