کوردستان

ئه‌مه‌ریكا: هێرشه‌كه‌ی هه‌ولێر به موشه‌كی ئێرانی ئه‌نجام دراوه‌

10:01 - 23/02/2021 130 جار خوێندراوەتەوە

زه‌مه‌ن_جیهانی



وته‌بێژی وه‌زاره‌تی به‌رگری ئه‌مه‌ریكا رایده‌گه‌یه‌نێت‌؛ هێرشه‌كه‌ی هه‌ولێر به موشه‌كی ئێرانی ئه‌نجام دراوه‌، ده‌شڵێت: ئێران له‌ڕێگه‌ی گروپه‌ میلیشیاكانیه‌وه‌ كرده‌وه‌ی تیرۆرستی ئه‌نجام ده‌ده‌ن و هه‌وڵ ده‌دات ناوچه‌كه‌ ئارامی به‌خۆیه‌وه‌ نه‌بینێت.

 

جۆن كێربی، وته‌بێژی و‌ه‌زاره‌تی به‌رگری ئه‌مه‌ریكا له‌ كۆنگره‌یه‌كی رۆژنامه‌وانیدا رایگه‌یاند: ئه‌و موشه‌كانه‌ی له‌ هێرشه‌كه‌ی سه‌ر شاری هه‌ولێر به‌كارهێندراون دروستكراوی وڵاتی ئێرانه‌، تاران بۆ میلیشیا شیعه‌كانی نزیك له ‌خۆی ناردوه‌، بۆ دڵنیابونه‌وه‌ چاوه‌ڕێی ته‌واوبونی لێكۆڵینه‌وه‌كان ده‌كه‌ین.


وتیشی: ویلایه‌ته‌ یه‌كگرتوه‌كانی ئه‌مه‌ریكا له‌و ئاڵنگاریه‌ ئه‌منییانه‌ی ئێران سه‌پاندویه‌تی به‌سه‌ر ناوچه‌كه‌دا راناكات.


سه‌باره‌ت به‌ سزاكانی توركیا له‌سه‌ر كڕینی سیسته‌می به‌رگری (S400) وته‌بێژی و‌ه‌زاره‌تی به‌رگری ئه‌مه‌ریكا راشیگه‌یاند: گۆڕانكاری به‌سه‌ر ئه‌و سزایانه‌دا نه‌هاتووه.ئه‌و سیستمه‌ به‌رگریه‌ له‌گه‌ڵ فڕۆكه‌ی (F35) یه‌كناگرێته‌وه‌، بۆیه‌ داوای له‌ توركیا كرد پارێزگاری له‌ سیسته‌مه‌كه‌ی نه‌كات.

ئاماژه‌ی بۆ ئه‌وه‌كرد: له‌ ده‌ ساڵی رابردودا ویلایه‌ته‌ یه‌كگرتوه‌كانی ئه‌مه‌ریكا هه‌لی وه‌ده‌ستخستنی سیسته‌می به‌رگری پاتریۆتی خستوه‌ته‌‌ به‌رده‌م توركیا، به‌ڵام ئه‌و وڵاته‌ سیسته‌می به‌رگری (S400) هه‌ڵبژارد.


ئه‌م گرژی و ئاڵوزیه‌ی نێوان ئه‌مه‌ریكا و توركیا ده‌گه‌ڕیته‌وه‌ بۆ ئه‌وه‌ی‌ توركیا له‌ مانگی ته‌موزی ساڵی (2020) سیسته‌می به‌رگری (S400)ی له‌ وڵاتی روسیا كڕیوه‌، ئه‌م هه‌نگاوه‌ش بوه‌ هۆی دور كه‌وتنه‌وه‌ی هاوپه‌یمانیه‌تی توركیا له‌گه‌ڵ په‌یمانی باكوری ئه‌تڵه‌سی (ناتۆ).

سۆشیال میدیا

ڕۆژنامەی زەمەن

Advertisement