لەسەر شوێنی راگرتنی ئۆتۆمبێل باوک و کوڕێک بەر فیشەک دران
11:11 - 19/01/2021
2460 جار خوێندراوەتەوە
زەمەن_سلێمانى
بەهۆی وەستاندنی ئۆتۆمبێل لەبەردەم ماڵێک لە گەڕەکێکى شارى سلێمانی، شەڕ لەنێوان
دوو لایەندا رویدا و دوو کەس کە کوڕ و باوکن بە گولـلـە بریندار کران.
پەیامنێرى "زەمەن" لە سلێمانى رایگەیاند، درەنگانى شەوى رابردوو
لە گەڕەکى قالاوە، بەهۆى وەستانى ئۆتۆمبێل کە کوڕ و باوکێک بوون، لەبەردەمى ماڵێک،
دەمەقاڵێ لەگەڵ خاوەنى ماڵەکە دروست بووە و بەهۆیەوە خاوەن ماڵەکە تەقەى کردووە و
کوڕ و باوکەکە کردووە و بریندا ربوون.
لاى خۆیەوە، سەرکەوت ئەحمەد، وتەبێژی بەڕێوەبەرایەتى پۆلیسی پارێزگاى سلێمانی بە "زەمەن"ى
راگەیاند، "روداوەکە دوێنێ شەو رویداوە و باوک و کوڕێک تەقەیان کردووە و باوک
و کوڕێکی دیکەیان لە گەڕەکی قالاوە بریندار کردووە، ئێستا فەرمانی گرتن بۆ تەقەکەرەکان
دەرچووە و پۆلیس بەدوایانەوەن دەستگیریان بکەن".