کەلتور

ئەکتەرێکی کورد لە شانۆگەرییەکی ئەڵمانیدا باس لە خەمی کوردبوون دەکات!

09:12 - 26/10/2020 117 جار خوێندراوەتەوە

بۆ ماوەی چوار ڕۆژ، لە ڕۆژی ٢٤-٢٨ی ئەم مانگە، لە ئەڵمانیا شانۆگەریی جورجەکانی لودڤیگسهافن نمایش دەکرێت. لەم شانۆگەرییەدا، ئەکتەرێکی کورد، ڕۆڵی سەرەکی دەبینێت و شانۆگەرییەکەش بە ڕێنماییەکانی خۆپارستنی کرۆنا نمایش دەکرێت.

 

یوسف مەنتک، نووسەر و هونەرمەند، لەم شانۆگەرییەدا وەک ئەکتەر بەشدارە، سەبارەت بە شانۆگەرییە بۆ کولتووری زەمەن، وتی: (ئەم شانۆگەرییە من تێیدا بەشدارم، ئامادەکردنی دەقەکەی: بارابا ڤاندلاند دەرهێنانی: تیلمان گێرش، یاریدەدەری دەرهێنەر: بیۆرن کلومپ ١٧ ئەکتەر بەشدارن تێدا، من یەکێکم لە ئەکتەرە سەرەکییەکانی، کولتووری زەمەن-ئەڵمانیا

 

شانۆگەرییەکە بە زمانی ئەڵمانی، نمایش دەکرێت، ئەو ئەکتەرانی لەنەتەوەی ترن لە چەند دیمەنێک بەزمانی خۆیا قسە دەکەن. بەپێی پلانی بۆ داڕێژراو بەیانکراو دەبوا لە ڕۆژانی ١٥ و١٦ و ١٨ ی مانگی مای ٢٠٢٠ بەڵام بەداخەوە بە هۆی پەتای کرۆناوە پێشکەش نەکرا.)

 

سەبارەت بە ڕۆڵبینینی خۆی لەم شانۆگەرییەدا، مەنتیک وتی: (لەم شانۆگەرییەدا ڕۆڵی کاراکتەری برۆنۆ دەبینێت بەزمانی ئەڵمانی لە دوو دیمەندا بە دوو بەش باس لە ئاوارە بوونی گەلی کورد و دابەشکردنی کوردستان دەکەم، دوای جەنگی یەکەمی جیهانی، لەدیمەنێکی گرنگدا باسی ژیاننامەی خۆم وەک کوردێک دەکەم و دەڵێم: من ناوم برۆنۆیە، لە شاری هەولێر لە دایکبووم پیشەم ڕۆژنامەنووس و نووسەرم، شارەکەی من نزیکەی 7 هەزار ساڵ کۆنە، دوای جەنگی یەکەمی جیهانی کوردستان کرا بە چوار پارچە، من لەم بەشەوە هاتووم کە عێراق داگیری کردووە، وڵاتەکەم سرووشتی جوانە، دەوڵەمەندە بە نەوت و کانزا، لەزەمەنی باپیرە گەورەمانەوە، تا ئیمڕۆ کوردستان هەمیشەی دووچاری شەڕو داگیرکردن بۆتەوە، هەموو ژیانمان بۆتە شەڕ، من ئارەزووم بووە شانۆ بخوێنم بەڵام بە هۆی ئەوەی من لە ژینگەو کۆمەڵگەیەکی جەنجاڵی و فرە کلتوور و داب و نەریتی جیاواز ژیاوم، نەمتوانی ئەم ئامانجەم بەدی بهێنم، بەهۆی شەڕ هاوڵاتیانی کورد وڵاتی باب وباپیرانی جێدەهێلن، کەسێکی وەک من چەندین سنووری وڵاتانم بە پیادە بریوە لە کوردستانی عێراقەوە بۆ ئێران و تورکیاو یۆنان و ئیتالیا و فرەنسا تا گەیشتووم بە ئەڵمانیا، ڕێگاو سەفەرێکی سەختم بریوە، کە هاتوومەتە ئەڵمانیا داوای مافی پەنابەرێتیم کرد، بە چەند ڕۆژێک داواکەم قبوڵکرا...هتد. )

 

سۆشیال میدیا

ڕۆژنامەی زەمەن

Advertisement