چەند رێنماییەک بۆ ئەو کەسانەی بە وەرزی سارد هەستەوەر دەبن
12:12 - 21/09/2020
155 جار خوێندراوەتەوە
زەمەن-تەندروستی
لەگەڵ هاتنی وەرزی سەرما، ئەگەرەکانی توشبوون بە
هەستەوەری وەرزی(حەساسییەت) زیاتر دەبێت، وەک پژمین و هەڵامەت و بەرزبوونەوەی پلەی گەرمای
جەستە، بۆ ئەمەش ماڵپەڕی ئەلفەن چەند رێنماییەکی بڵاوکردەوە، لەوانە:-
- دوای ئەوەی لە دەرەوە گەڕایتەوە ماڵەوە
دەستەکانت بشۆ.
- هەوڵبدە زۆر نەچیتە دەرەوە، ئەگەر کەسێکی
هەستیاریت بە وەرزی سەرما.
- گرنگی بە خواردنەوەی ئاو و سەوزەو میوە بدە.
- هەوڵبدە لە شوێنی پاکدا هەوا هەڵمژیت.
- دەتوانیت بەپێی رێنمایی تەندروستی، دەرمانی
سروشتی بەکاربێنیت.
- گرنگی بە ڤیتامین سی بدە و هەوڵبدە بە خواردن
بەرگری لەشت بەهێز بکەیت.
- هەوڵبدە دوو هەوا نەکەویتو پلەی گەرمای ژوورەکەت با زۆر بەرزنەبێت یاخود زۆر سارد نەبێت.
- گرنگی بە خواردنەوەی گەرم بدە.