کوردستان

کەشناسی وادەی کۆتایهاتنی گەرما و هاتنی شەپۆلێکی سەرمای راگەیاند

10:47 - 21/09/2020 1344 جار خوێندراوەتەوە

  "زەمەن" 

بەشی پێشبینییەکانی کەشناسی هەرێم رایگەیاند، لە سبەینێوە پلەکانی گەرما دادەبەزن و لە سەرەتای هەفتەی داهاتووشەوە پلەکانی گەرما بە شێوەیەکی بەرچاو روو لە نزمبوونەوە دەکەن.


لە راگەیەنراوێکدا کەشناسی ئاماژەی بەوەکردووە، سبەی سێشەممە، کۆتا رۆژە بۆ بەرزی پلەکانی گەرما لە ناوچەکانی هەرێمی کوردستان و لە سەنتەری پارێزگاکاندا بەرزترین پلەکانی گەرما لە نێوان ٣٨ بۆ ٤٠ پلە دەبێت.

کەشناسی ئاماژەی بەوەشکردووە، لە رۆژی چوارشەممەوە پلەکانی گەرما بە نزیکەی سێ بۆ چوار پلە دادەبەزن و سەرەتای هەفتەی داهاتووش پلەکانی گەرما زیاتر دادەبەزن.

بەپێی پێشبینییەکانی کەشناسی، لە سەرەتای هەفتەی داهاتووەوە بەرزترین پلەی گەرما لە سەنتەری پارێزگاکاندا ٣٥ پلە یان کەمتر دەبێت

سۆشیال میدیا

ڕۆژنامەی زەمەن

Advertisement